Një aksident ka ndodhur mëngjesin e sotëm në zonën e Institutit në Tiranë.
Një mjet tip ‘Range Rover’ është përmbysur në mes të rrugës. Shkak i aksidentit dyshohet të jetë bërë shpejtësia e mjetit.
Dyshohet se nga përmbysja një person ka mbetur i lënduar.
Në ndihmë të tij kanë ardhur kalimtarë të rastit. Pritet që në orët në vijim policia të dalë me një njoftim zyrtar për ngjarjen e rëndë.
