Katër persona kanë mbetur të plagosur si pasojë e një aksidenti automobilistik të ndodhur në autostradën Elbasan -Tiranë para pak minutash, ku janë përfshirë 3 automjete.
Të plagosurit janë dërguar në spital për të marrë ndihmë mjekësore dhe ndodhen jashtë rrezikut për jetën.
Shkaqet e aksidentit janë të paqarta, por dyshohet për shkak të lagështirës në rrugë.
Në vendngjarje kanë shkuar forcat e policisë të cilat kanë nisur hetimet për të zbardhur ngjarjen.