Aksident i rëndë në Berat, makina përplas për vdekje 48-vjeçarin teksa kalonte rrugën

99
Sigal

Një aksident i rëndë, me pasojë vdekjen e një personi, ka ndodhur sot në Berat.

Policia njofton se një 48-vjeçar është përplasur për vdekje nga një makinë, teksa ka qenë duke kaluar rrugën.

Njoftimi i policisë:

Berat/Në vendin e quajtur “Çentër Shqiptare”, Kombinat, shtetasi A. A., 48 vjeç, banues në lagjen Çlirim, Berat, duke kaluar rrugën, është goditur nga një mjet dhe për pasojë ka humbur jetën. Drejtuesi i mjetit, ende i paidentifikuar, pas aksidentit, është larguar nga vendngjarja.

Shërbimet e Policisë dhe grupi hetimor po punojnë për zbardhjen e rrethanave të aksidentit, identifikimin dhe kapjen e drejtuesit të mjetit.