Ndarja nga jeta e ish-kryetarit të Kuvendit, Kuvendi mban një minutë heshtje në nderim të Servet Pëllumbit

Kuvendi në nisje të seancës ka mbajtur një minutë heshtje, në nderim të ish-kryetarit të Kuvendit Servet Pëllumbi, që u nda nga jeta.

Servet Pëllumbi ishte një nga deputetët më jetëgjatë të Kuvendit të Shqipërisë, me pjesëmarrje aktive në komisionet e ndryshme parlamentare.

Në vitin 2002 ai u zgjodh kryetar i Parlamentit, post të cilin e mbajti deri në vitin 2005.

Pëllumbi u diplomua për studimet e larta në Universitetin e Petersburgut me titullin doktor i shkencave në Letërsi. Nga viti 1960 – 1963, ai punoi si pedagog në Institutin Pedagogjik në Korçë dhe më pas e ushtroi këtë profesion deri më 1977. Në po këtë vit ai u zgjodh anëtar i Komitetit Drejtues së Partisë së Punës. Për gati tre vjet ka qenë pedagog në Universitetin e Tiranës. Ai është autor i dhjetëra librave dhe studimeve në filozofi, politikë dhe demokraci.

Ndryshimet demokratike në vitin 1990 e pozicionuan Servet Pëllumbin në postin e nënkryetarit të PS, si pjesa konservatore e kësaj partie, përballë rrymës liberale të Fatos Nanos. Këtë post ai e mbajti deri në vitin 1996.

Ndërsa ditën e mërkurë, në nder të ish kryetarit të Kuvendit, u mbajtën mbahen homazhe sipas protokollit shtetëror.

Në orë 13:00 kortezhi u nise për në varrezat e Sharrës, ku edhe prehet trupi i Servet Pëllumbit.