Bashkimi Evropian ka reaguar lidhur me situatën e krijuar gjatë protestave në Shqipëri, duke dënuar aktet e dhunës dhe dëmtimin e pronës publike dhe private. Përfaqësuesit evropianë kanë theksuar se pakënaqësitë dhe ankesat duhet të adresohen përmes institucioneve dhe mekanizmave demokratikë, dhe jo përmes akteve të dhunshme.
Në qëndrimin e tij, BE nënvizon se e drejta për protestë dhe liria e shprehjes janë elemente thelbësore të demokracisë, por ato duhet të ushtrohen në mënyrë paqësore dhe në respektim të ligjit.
De Sousa ka theksuar gjithashtu rëndësinë e informimit dhe edukimit të të rinjve mbi funksionimin e demokracisë, duke u shpjeguar atyre rregullat dhe mekanizmat përmes të cilëve mund të shprehin pakënaqësitë dhe të kërkojnë zgjidhje për shqetësimet e tyre.
Mesazhi i Bashkimit Evropian vjen në një periudhë tensionesh të shtuara, pas protestave dhe përplasjeve të regjistruara në Tiranë, ku janë shënuar dëmtime të institucioneve dhe pronës private.
BE ka bërë thirrje për dialog konstruktiv mes palëve, duke theksuar se dhuna nuk ka vend në një shoqëri demokratike dhe se shqetësimet legjitime duhet të marrin përgjigje përmes rrugëve institucionale.
Në të njëjtën kohë, institucionet evropiane kanë rikujtuar se autoritetet duhet të garantojnë të drejtën për tubim paqësor dhe se çdo reagim ndaj akteve të dhunës duhet të jetë në përputhje me ligjin dhe proporcional.
