Mall
Unë e di se ti doje të jetoje me nder,
dhe të vdisje në një fshat të vogël e të
këndshëm,
duke biseduar me njerëzit,
duke dëgjuar rrëfimet e tyre,
duke blerë me një çmim të arsyeshëm,
vezë të freskëta,
pemë të pjekura mirë,
për të kaluar një pleqëri të bardhë,
i lodhur nga mendimet.
Jo ligësi
Mos e mbjellim drurin e së keqes,
Pse do të lulëzojë e azdisur ligësia,
Mirësia është e pafund,
Mos të ketë aspak fare të urrejtjes,
Dashurinë s’ka forcë që e tund.
Çast
Era alize e mbrëmjes,
shkiste mbi tokë, mbi njerëzit,
ndërsa njerëzit tregonin,
haptas të fshehtat njëra tjetrës,
liqeni më tutje si një njeri i pagjumë,
shpërndante tutje ca rreze.
Të jesh njeri
I dua burimet me ujë të kulluar,
erërat e lira,
jetën qoftë dhe të shkurtër,
të ashpër, të çapëluar nga kontradiktat,
dua të jem vërtet njeri,
përgjegjës përpara vetvetes.