Suplementi Pena Shqiptare/ Izet Shehu: Mall

134

Izet Shehu

 

Sa herë,

Që kthehem nga larg,

S’di pse më drithërohet zemra,

Më vijnë kujtimet varg e varg,

Më roitin këngë edhe ëndrra.

 

Dhe s’di pse shkrihem në vaj,

Pse më merr me vete kënga?

Në mallëngjehem a kam faj,

Pse vendlindjen ma ka ënda?

 

Larg e larg në vise të tjera,

Ikëm… morëm arratinë…

Në pikëllim,

Na shket pranvera

Me mall për ty, atdheu im.

Pse trishtohem, a kam faj?

Pse si zog më dridhet zemra?

Zemërthyer, si fëmijë qaj,

Më thërrmohen mijëra ëndrra.

 

Sa herë kthehem

Nga vend i huaj,

Më bren malli e më djeg gjinë,

A kam faj pse heq e vuaj

Mallëngjyer për Shqipërinë?!