Suplementi Pena Shqiptare/ Ali Bregu: Sa mirë trokiti fati

577
Sigal

Humoristike

 

Në tre muaj, plot tri herë
E martoi babai i mjerë
Bijën e pamshme, të zgjuar,
Po prej fatit e dënuar,
Të urinonte çdo natë,
Pa e ndier, në krevat .

Mbas të tretës dhe njëherë
Dikush trokiti në derë .
Ia kërkuan vajzën e vet
Ta martonte në qytet .

Tha babai :-Na ndriti fati !
Ndaj dhe shumë nuk e zgjati .
Biseduan, dhanë fjalë ,
Hipën vajzën përmbi kalë,
E shpunë me pajën e vjetër
Në shtëpinë e burrit tjetër .

Çdo ditë prindërit te shtëpia
Prisnin që sërish e bija ,
Venitur si hën’ e ngrënë
Prej burrit sërish përzënë ,
Të kthehej kjo e pafat
Te prindërit e vet, në fshat .

Kaluan tre javë, katër ,
Mbasdarke, babai në vatër,
I tha gruas :-Bijën tonë
Do ta shoh e ç’do më thonë .

Ashtu shtruar e ngadalë,
I menduar e pa fjalë ,
Shkoi e zbriti në qytet
Edhe pa me syt’ e vet
Shtëpinë-vilë tre kate
Me kolltuke e krevate ,
Gjithë dritaret me grila ,
Oborrin me trëndafila,
Me shatërvane, kangjella ,
Për hije superombrella ……
…..Burri i saj mëndjehollë ,
Me diplomë e me shkollë,
I pamshëm, ç’i thanë sytë,
S’ia gjeje shokun të dytë .
Si veten kish bab’ e nënë
Njërin yll e tjetrën hënë ,
Gojëmjaltë-zemërmirë
Me nusen e me të birë .

– Këtë radhë si asnjëherë
Trokiti fati në derë .
I tha babai qet’ e shtruar ,
Të bijës shum’ i gëzuar .

E më tej vajza ia pat :
-E, baaa…e.., -ajo qyqare,-
Unë vërtet lagem në shtrat ,
Por ky menderoset fare !