Albert HABAZAJ
Ky shi shtatori…
Mbushur me shirita të tejdukshëm ujorë,
Trimërisht korrekt, të rreptë si me shpatë,
Përsëri natyra e nisi këtë shtator
SPAK-un, duke u treguar shumë e qartë.
Dhe e filloi punën me shpejtësi, pa ndalur,
I shpëlau rrugët me gjithë atë zhul fytyrës,
Një grimcë pluhur, një mushkonjë s’ka falur,
Ç’pastrim shembullor bën SPAK-u i natyrës!…
E pastroi mjedisin dhe na porositi ne:
“Kur s’duhet fjetur, mos flini gjumë”,
Përmbytshëm, nga perandoria me rè
Herë tjetër, me stuhi do të sulem unë”…
Ky shi shtatori, si melhem psikologjik
Na fal mirësi deri në drithërim, se natyra
Është bujare, që tek njeriu të jetë, or mik,
Me dritë të bukur dinjiteti fytyra.
Vlorë, 11.09.2019
