Ambasada e SHBA: Kujdes kur të riaplikoni për Lotarinë Amerikane, se skualifikoheni nëse…

    392
    Ambasada amerikane u ka kujtuar sërish qytetarëve shqiptarë, rregullat për Lotarinë amerikane DV-2019 në proces, se çfarë rregullash duhet të ndjekin nëse janë regjistruar njëherë, para se faqja e Lotarisë të pësonte defekte teknike.
    “Ju lutem mbani mend, – njofton ambasada sot në Fb, – periudha e re e regjistrimit për DV 2019 është aktualisht e hapur dhe mbyllet të mërkurën, më 22 nëntor 2017. Nëse keni aplikuar përpara datës 18 tetor 2017 për DV-2019, aplikimi juaj nuk do të merret në konsideratë dhe do t’ju duhet të dorëzoni një aplikim të ri gjatë periudhës së re të regjistrimit.
    Ju NUK do të skualifikoheni për shkak se po aplikoni sërish, por mbani mend që ju duhet të regjistroheni vetëm një herë si aplikant kryesor gjatë periudhës 18 tetor – 22 Nëntor 2017.
    Nëse jeni të martuar, edhe bashkëshortja juaj mund të aplikojë si aplikante kryesore dhe ju përfshin ju dhe fëmijët nën 21 vjeç e të pamartuar tek aplikimi i saj.
    Ju mund të përdorni fotografinë që përdorët kur aplikuat në datat 3-10 Tetor 2017. Lexoni udhëzimet përpara se të aplikoni:https://go.usa.gov/xnruQ. Ende të paqartë? Mos u shqetësoni, tani unë do t’u përgjigjem pyetjeve tuaja!” thuhet në fund të njoftimit të lëshuar nga konsullja e Ambasadës së SHBA, e cila ka shpreh edhe gatishmërinë për të dhënë sqarime të tjera nëpërmjet Facebook-ut.
    Sigal