Në Spanjë është duke shpërthyer një luftë milionash ndërmjet Real Madrid dhe Barcelonës, objektivi është të joshin Paul Pogba. Sipas të përditshmes spanjolle AS: Pogba është objektivi kryesorë i Zinedine Zidane për sezonin e ardhshëm. Për Pogban prej kohësh ka pasur një interesim të madh nga ana e Barcelonës, verën e shkuar drejtuesit katalanas u takuan personalisht me Marottan dhe Paraticin. Gjithnjë sipas AS: Juventus e ka fiks çmimin për Pogban, 100 milionë euro, shumë të cilën shumë pak klube kanë mundësi ta paguajnë, Reali është një ndër to. Presidenti Perez është i gatshëm të sfidojë Barcelonën dhe ti bëjë një dhuratë të çmuar trajnerit të ri.
