Një ditë pas humbjes në finalen e Kategorisë së Parë, trajneri Samuel Nikaj i Kastriotit, për gazetën “Telegraf” deklaroi se Tirana e meritoi fitoren, ndërsa nuk ka nevojë për shumë ndërhyrje në skuadër. “Në atë ndeshje ne bëmë një pjesë të parë të mirë, ndërsa në pjesën e dytë ramë disi, ndoshta edhe nga mungesat që kishim. Tirana e meritoi fitoren, dhe ne tashmë jemi duke menduar për Superioren”, kështu theksoi fillimisht në deklarimin e tij trajneri Nikaj, i cili mendon se Kastrioti nuk ka nevojë për shumë ndërhyrje. “Nuk ka nevojë për shumë ndërhyrje në skuadër, duhen vetëm 2-3 lojtarë për të pasur një skuadër më solide. Ndërsa për qëndrimin tim këtu, do do të flas me drejtuesit, nëse do të jem në planet e tyre. Në vazhdimësi, besoj se gjithçka do të zbardhet për sa biseduam së bashku”, përfundoi trajneri i Kastriotit, Samuel Nikaj.
Ndeshjet finale
Datë 16 maj 2018
Finale/ Kategoria e Parë
Tirana-Kastrioti 2-0
(Tirana Kampione)
Datë 17 maj 2018
Finale/ Kategoria e Dytë
Elbasani-Vora 2-5
(Vora Kampione)
Play-out/ Kateg 1-Kateg 2
Datë 17 maj 2018
Vllaznia B-Orikumi 2-2
(Vllaznia B fiton me penallti)
Sot, 19 maj 2018
Shkumbini-Veleçiku 16:30
(Në “Selman Stërmasi”)