Gara emocionuese midis 100 sportistëve të 10 ekipeve. I pranishëm në aktivitetin e fundit vjetor të notit ishte dhe Presidenti i FSHN-së, Agim Çiraku
Notarë të vegjël e të talentuar, por me ëndrra e dëshira të mëdha; kampionë të moshave nga 6 deri në 14 vjeç, që të entuziazmojnë më pasionin e tyre për të garuar e fituar. Kjo ishte atmosfera gjatë zhvillimit të “Kupës së Perspektivës”, të organizuar nga Akademia e Notit “Stela” dhe të zhvilluar në pishinën dimërore të resortit “Stela”, në një mjedis fantastik me një organizim të shkëlqyer të drejtuesve të kompanisë me të njëjtin emër. I pranishëm gjatë aktivitetit të fundit vjetor të notit ishte dhe Presidenti i Federatës së Shqiptare të Notit, z.Agim Çiraku. Garat u ndoqën nga rreth 300 shikues. Në përfundim të aktivitetit të zhvilluar ditën e shtunë, nga ora 10.00-16.00.
“Swimming Club Tirana” fitoi trofeun e “Kupës së Perspektivës”, duke grumbulluar në total për meshkuj e femra 376 pikë. Në vend të dytë u rendit “Akademia e Notit Stela” me 346 pikë. Sipas kreut të sekretarisë teknike, Fatjon Begvarfaj, sistemi i vlerësimit të pikëve ishte: 7 pikë për vendin e parë; 5 për të dytin; 4 për të tretin, 3 për të katërtin, 2 për të pestin dhe 1 pikë për të gjashtin. Garat u zhvilluan në pishinën dimërore të resortit “Te Stela”, një pishinë me gjashtë korsi. Garat u zhvilluan të forta e me rivalitet midis konkurrenteve. Garat u zhvilluan në të ndara në katër kategori moshash” Nën-8 vjeç, 9-10, 11-12 dhe 13-14 vjeç, ndërkohë që ato kryen në stilet “delfin”, “shpinë”, “bretkosë”, stili i “lirë” dhe “katërnotim”, të ndara në 50m dhe 100m. Në aktivitet morën pjesë sportistë nga ekipet: Akademia e Notit Stela, Ekipi i Notit Tornado, Swimming Club Tirana, Teuta Swimming, Partizani Sëimming Tirana Alb, Ekipi i Notit Uilson, Klubi Shumësportësh Teuta, Shoqata “Jon” Vlorë, si dhe dy ekipe nga Kosova: Kosova dhe Nemo OP Kosova. Garat ishin të ndezura, ndërkohë që notarët të cilët spikatën për meshkuj ishin: Klesti Ndoja, Xhoi Levdaniti të Akademisë Notit Stela; Iljon Koçibelli i Tornados; Ergi Veli i Partizani; Aleksandër Gresi të Teuta Swimming, Binald Mahmuti, Kledi Kadiu Saimir Guda të Swimming Club Tirana dhe Bianti Danaj i Shoqata “Jon Vlorë”. Për femra spikatën: Vivian Xhemollari, Telma Harshova, Gloria Ndoja, Erin Vasili, Alesia Daja të Akademisë Notit Stela; Ester Gjoka e Klubit Shumësportësh Teuta Alesia Neziri, Diana Basho të Sëimming Club Tirana; Stela Sterkaj e Ekipit të Notit “Uilson”; Kaltra Shini e Tornados; Klea Konoplev, Lisa Dhimgjini të Teuta Swimming; Melisa Zhdrella e Kosovës si dhe Flaka Pruthi e Nemo OP Kosovës. Të gjitha matjet e kohëve u realizuan me kronometra gjysëmelktronikë, ndërsa për fituesit e vendeve të par u dhanë medalje, ndërsa për vendet e dyta dhe të treta u shpërndanë diplomat e rastit.
“Kupa e Perspektivës”
Fituesit e garave
MËSHKUJ
Stili “Delfin”
Nën-8 25m Klesti Ndoja A.N.Stela 23”00
Nën-8 50m Iljon Koçibelli Tornado 52”38
09-10 50m Xhoi Levdaniti A.N.Stela 37”97
09-10 100m Xhoi Levdaniti A.N.Stela 1’32”49
11-12 50m Ergi Veli Partizani S.T. 33”08
11-12 100m Ergi Veli Partizani S.T. 1’18”90
13-14 50m Binald Mahmuti S.C. Tirana 29”60
13-14 100m Binald Mahmuti S.C. Tirana 1’07”94
Stili “Shpinë”
Nën-8 25m Etjen Harshova A.N.Stela
Nën-8 50m Iljon Koçibelli Tornado 52”41
09-10 50m Kledi Kadiu Teuta Swimming 37”50
09-10 100m Jurgen Shimani Teuta Swimming 1’40”94
11-12 50m Saimir Guda S.C. Tirana 39”34
11-12 100m Saimir Guda S.C. Tirana 1’28”27
13-14 50m Aleksandër Gresi Teuta Sëimming 32”85
13-14 100m Aleksandër Gresi Teuta Sëimming 1’11”98
Stili “Bretkosë”
Nën-8 50m Klesti Ndoja A.N.Stela 54”49
09-10 50m Kledi Kadiu Teuta Swëimming 41”57
09-10 100m Xhoi Levanditi A.N.Stela 1’38”97
11-12 50m Ergi Veli Partizani S.T. 38”26
11-12 100m Ergi Veli Partizani S.T. 1’24”79
13-14 50m Meriton Veliu Ekipi Kosova 34”95
13-14 100m Binald Mahmuti S.C. Tirana 1’16”19
Stili i Lirë
Nën-8 50m Klesti Ndoja A.N.Stela 44”25
09-10 50m Kledi Kadiu Teuta Swimming 31”97
09-10 100m Kledi Kadiu Teuta Swimming 1’13”60
11-12 50m Bianti Danaj Shoq.Jon Vlorë 31”35
11-12 100m Bianti Danaj Shoq.Jon Vlorë 1’09”86
13-14 50m Binald Mahmuti S.C. Tirana 27”25
13-14 100m Binald Mahmuti S.C. Tirana 1’01”65
Katërnotim
09-10 50m Kledi Kadiu Teuta Swimming 1’23”08
11-12 50m Sajmir Guda S.C. Tirana 1’17”16
13-14 50m Binald Mahmuti S.C. Tirana 1’11”34
FEMRAT
Stili “Delfin”
Nën-8 25m Vivian Xhemollari A.N.Stela 27”60
Nën-8 50m Ester Gjoka K.S. Teuta 54”71
09-10 50m Stela Sterkaj E.N.Uilson 44”85
11-12 50m Alesia Neziri S.C. Tirana 41”08
11-12 100m Alesia Daja A.N.Stela 1’47”42
13-14 50m Flaka Fruthi Nemo Op Kosova 31”11
13-14 100m Diana Basho S.C. Tirana 1’12”90
Stili “Shpinë”
Nën-8 25m Telma Harshova A.N.Stela
Nën-8 50m Telma Harshova A.N.Stela 56”69
09-10 50m Gloria Ndoja A.N.Stela 43”19
09-10 100m Erin Vasili A.N.Stela 1’36”27
11-12 50m U.Lamaj/B.Bejko Partizani/Tirana 40”72
11-12 100m Bora Bejko S.C. Tirana 1’31”01
13-14 50m Klea Konoplev Teuta Sëimming 33”55
13-14 100m Klea Konoplev Teuta Sëimming 1’13”31
Stili “Bretkosë”
Nën-8 50m Kaltra Shini Tornado 1’12”48
09-10 50m Gloria Ndoja A.N.Stela 49”60
09-10 100m Korina Bashjo A.N.Stela 1’54”16
11-12 50m Alesia Neziri S.C. Tirana 47”01
11-12 100m Alesia Neziri S.C. Tirana 1’46”43
13-14 50m Melisa Zhdrella Ekipi Kosova 36”20
13-14 100m Melisa Zhdrella Ekipi Kosova 1’24”97
Stili i Lirë
Nën-8 50m Vivian Xhemollari A.N.Stela 50”51
09-10 50m Gloria Ndoja A.N.Stela 36”62
09-10 100m Stela Sterkaj E.N. Uilson 1’27”84
11-12 50m Lisa Dhimgjini K.S. Teuta 36”28
11-12 100m Alesia Neziri S.C. Tirana 1’23”59
13-14 50m Klea Konoplev Teuta Sëimming 29”92
13-14 50m Klea Konoplev Teuta Sëimming 1’03”86
Katërnotim
09-10 50m Gloria Ndoja A.N.Stela 1’33”08
11-12 50m Alesia Neziri S.C. Tirana 1’33”40
13-14 50m Klea Konoplev Teuta Sëimming 1’14”71
Kampioni i 50 dhe 100 metrave i Shoqatës “Jon” Vlorë, ia dedikon suksesin e tij trajnerit Bashkim Aliraj
Bianti Danaj: “Dua të bëhem shqiptari i parë që fiton medalje në Olimpiadë!”
Notari i talentuar i Shoqatës “Jon”, Vlorë, Bianti Danaj, fitoi në 50m stil i lirë me kohën 31”35 dhe në 100m stil i lirë për djem me kohën 1’09”07 (të dyja në kategorinë 11-12 vjeç), duke fituar dy medalje në “Kupën e Perspektivës”. Shoqata “Jon” Vlorë, e cila për trajner ka të mirënjohurin Bashkim Aliraj, u paraqit edhe me një notar tjetër, Thoma Dunin, i cili në 100m stil i lirë u rendit i dyti. “Arrita të fitoj dy vende të parë në ‘Kupën e Perspektivës” në garat e stilit të lirë, në 50m dhe 100m, – tha për gazetën “Telegraf”, 11-vjeçari Bianti Danaj. – E quaj veten me fat që, stërvitem nga trajneri i njohur Bashkim Aliraj, përvoja dhe metodat e të cilit më kanë ndihmuar të arrij rezultate shumë të mira. Rezultatet e mira të mia i takojnë edhe profesor Bashkimit”. Djaloshi Danaj ka vetëm një vit që stërvitet rregullisht në Llogara, por falë dhe metodave bashkëkohore që ndjek trajneri i tij, Bashkim Aliraj, Bianti ka një stil shumë modern në notim. Bianti Danaj është një notar i ri dhe i talentuar, vlerësohet jashtëzakonisht shumë nga specialistët si një sportist me perspektivë. Vlonjati i vogël ka ëndrra të mëdha. “Dëshiroj të bëj emër në not. Dua të marr pjesë në një nga Olimpiadat pas ato të “Rio 2016” në Brazil dhe të bëhem shqiptari i parë që do të marr medalje në Lojërat Olimpike”.
Flet për “Telegraf”, trajneri i “Swimming Club Tirana”, fituesja e “Kupës së Perspektivës”
Arjan Fetishaj: “Po vjen një brez i talentuar!”
Arian Fetishaj, një nga trajnerët e “Swimming Club Tirana”, ekipit që fitoi edhe “Kupën e Perspektivës” e vlerësoi me nota pozitive aktivitetin e organizuar nga Akademia e Notit “Te Stela”.
– Fetishaj, urime për fitoren e “Swimming Club Tirana”! Si do ta vlerësonit aktivitetin e organizuar nga Akademia e Notit “Te Stela”?
– Faleminderit për urimin. Ishte një aktivitet që i bën mirë notit të moshave të vogla. Tirana u përfaqësua me një grup të kompletuar të notarëve të moshave të vogla, nga 8-14 vjeç. “Kupa e Perspektivës” ishte një mundësi e mirë, për të ngjallur dëshirën te moshat e vogla për të garuar dhe për të fituar. Si Tirana, ashtu dhe ekipet e tjera pjesëmarrëse, si “Akademia e Notit Stela”, “Partizani Sëimming Club”, Shoqata “Jon” Vlorë u paraqitën me notarë të rinj dhe me perspktivë.
– Sa të kënaqshme ishin rezultatet teknike të arritura nga notarët e vegjël?
– Në vinim nga një aktivitet ndërkombëtar në Shkup të Maqedonisë. Duke i krahasuar me rezultatet e atjeshme, me kohët e realizuara në Tiranë, ka përmirësime. E rëndësishme është që, patë shumë dëshirë nga notarët për të garuar dhe kapur kohë të mira.
– Kush u dallua më shumë?
– Nga ekipi ynë u dalluan më shumë Diana Basho, Alesia Neziri, Binald Mahmuti, i cili këtë vit mbylli ciklin me moshën 14 vjeç dhe tashmë ne presim që ai të shfaqë vlerat e tij në aktivitetin e rinjve dhe më pas të rriturve. Ka shumë talente edhe në skuadrat e tjera, ku dëshiroj të veçoj Aleksandër Ngresin e ekipit të “Teuta Swimming”.
– Çfarë do t’u rekomandoje notarëve të rinj?
– Kemi një grup solid, mendoj që në të ardhmen të rrisim sa më shumë perfeksionim e teknikës së notarëve dhe rivalitetin brenda skuadrës. Sportistët duhet të forcojnë mentalitetin se, vetëm me punë dhe stërvitje serioze mund të fitojnë. Ne jemi duke e konsoliduar këtë mentalitet te fëmijët.
Alesia Neziri, kampionia e katërfishtë
Notarja e “Swimming Club Tirana”, Alesia Neziri, ishte fituesja e katërfishtë në “Kupën e Perspektivës”, ndërkohë që ekipi i Tiranës fitoi Kupën për meshkuj e femra në përfundim të aktivitetit. 11-vjeçarja Neziri garoi në kategorinë e vajzave të moshës 11-12 vjeç. Ajo fitoi: në 50m delfin; në 100m shpinë me kohën 1’46”53; 100m stil i lirë, 100m katër notim. “Natyrisht, emocionet janë mëdha kur fiton, sidomos kur ke konkurrente të forta në garat e tua – tha Alesia për gazetën “Telegraf” pas përfundimit të aktivitetit. “Gjithsesi, unë jam një notare e re dhe më duhet të punoj shumë në stërvitje, për të arritur rezultate të larta. Endrrat e mia? Sigurisht, që kam, por më duhet të stërvitem me përkushtim të madh dhe me sakrifica”, – shton Alesia, e cila stërvitet nga trajnerët Arjan Fetishaj dhe Saimir Neziri. “Janë shumë të mirë dhe na ndihmojnë që të shndërrohemi çdo ditë e më shumë profesionistë”.
Sajmir Guda, medalisti bardheblu
Sajmir Guda është një tjetër kampion i dalë nga “Swimming Club Tirana”. Notari 12-vjeçar fitoi në 50m shpinë me kohën 39’34, duke lënë pas kundërshtarët e tij Dario Cena dhe Laert Huti, po të të njëjtit ekip. Në 100m shpinë ai e fitoi garën me kohën 1’28”27 ndaj 11-vjeçarit Huti, teksa dhe ky i fundit vlerësohet si me shumë perspektivë nga trajnerët. “Jam i lumtur që, arrita të fitoj dy medalje në ‘Kupën e Persepktivës”. Kam dy vjet që ushtrohem me not dhe tani po marr shpërblimet e punës sime”, – tha Guda për gazetën “Telegraf”.