Teuta rigjen fitoren pas dy muajsh, Vila i jep fitoren ndaj Skënderbeut

139

Teuta-Skënderbeu është ngjarja e parë që përpiqet të rikthejë në shinat e së përditshmes një qytet të rrënuar nga dhimbja pas tërmetit të 26 nëntorit, ku humbën jetën 51 vetë dhe qindra familje mbetën jashtë shtëpive të tyre për shkak të dëmeve që pallatet pësuan nga shkundja e tokës prej 6.4 ballësh.

Tifozët durrsakë kishin shpalosur një banderolë kushtuar 51 viktimave të tërmetit, ku shkruhej “Prehuni në paqe”, shoqëruar nga numri 51 dhe krahët e engjëjve. Gjithashtu u ngritën në qiell edhe 51 balona, në kujtim të tyre, balona që fluturuan drejt qiellit të Durrësit.

Ndeshja u mbyllë me fitoren minimale 1-0 të durrsakëve, me një gol të shënuar në limitet e kohës së rregullt nga Lorenc Vila, i cili u ndihmua edhe nga një devijim i Ditës. Teuta rigjen fitoren pas gati dy muajsh, duke u ngjitur në vendin e 5-të me 22 pikë.