Binald Mahmuti, Klejdi Kadiu, Klea Konoplevia dhe Sonia Kapedani sportistët më të mirë të aktivitetit të parë, ndërsa Ergi Veli, të paktën dhe sipas trajnerit të Partizanit, Dashamir Bregu, është thyerësi i tre rekordeve kombëtare
Noti shqiptar ka ulur siparin e aktivitetit të parë kombëtar për moshat. Kampionati, i të cilëve është zhvilluar për dy ditë me radhë në pishinat e kompleksit “Akuadrom” në Tiranë. “Te Stela” dhe “Tirana” kanë qenë ekipet më të mira të këtij aktiviteti, ndërsa Binald Mahmuti, Klejdi Kadiu, Klea Konoplevia dhe Sonia Kapedani janë shpallur sportistët më të mirë të kampionatit në të dy kategoritë e moshave, A për datëlindjet 1999-2000 dhe B për datëlindjet 2003-2004. Për t’u evidentuar është fakti se, përveç dy rekordeve kombëtare të Binald Mahmutit ditën e parë, në 400 metra stil i lirë dhe 200 metra katërnotim, edhe Ergi Veli i Partizanit është thyerësi i tre rekordeve. Sipas trajnerit të Partizanit, Dashamir Bregu, Veli ka përmirësuar kohët në 50 metra, 100 metra dhe 200 metra stil bretkosë. Por problemi është se dje gjyqtaria, edhe për shkak të ngarkesës, jo vetëm në plotësimin e diplomave për garat e veçanta, apo dhe ato ekipore, shto këtu dhe nxjerrjen e pikëve, nuk ka bërë të ditur tabela të rekordeve të reja. Gjithsesi në përfundim të aktivitetit të gjithë kanë qenë të kënaqur, sidomos kosovarët, të cilët kanë marrë pjesë jashtë gare dhe kanë përmirësuar disa nga rekordet e tyre. Kështu kampionati i moshave tashmë ka përfunduar, teksa sekretarja e përgjithshme e Federatës Shqiptare të Notit, Suela Haxhija, ka dhënë dhe trofetë kampion, në mungesë të presidentit Agim Çiraku, që nuk ka qenë i pranishëm për arsye personale.
Rezultatet teknik të Kampionatit të Notit
Dita e dytë
Kategoria A (Datëlindja 1999-2000)
Meshkuj
200 m stil i lirë Binald Mahmuti (Tirana) 2’13”85
100 m flutur Ronaldo Serjani (Saranda) 1’39”22
50 m bretkosë Kevin Duraku (Nobis) 38”20
100 m shpinë Arbër Tusha (Tirana) 1’19”86
4×200 m stil i lirë Tirana 10’01”34
200 m shpinë Joni Rakipi (Tirana) 2’46”92
100 m stil i lirë Binald Mahmuti (Tirana) 1’01”52
200 m bretkosë Ergi Veli (Partizani) 3’00”70
50 m flutur Joni Rakipi (Tirana) 33”80
Si ekip: Tirana 330 pikë
Sportisti më i mirë: Binald Mahmuti (Tirana) 1766 pikë
Femra
50 m bretkosë Eleni Serjana (Saranda) 44”19
100 m stil i lirë Klea Konoplevia (Teuta Sëimming) 1’06”31
200 m flutur Diana Basho (Tirana) 3’12”15
4×200 m stil i lirë Tirana 13’02”79
200 m bretkosë Eleni Serjani (Saranda) 3’26”53
50 m flutur Xhenis Bregasi (Alb Sport) 41”94
100 m shpinë Esli Xhoxhaj (Te Stela) 1’20”47
400 m stil i lirë Klea Konoplevia (Teuta Sëimming) 5’06”70
Si ekip: Te Stela 251 pikë
Sportistja më e mirë: Klea Konoplevia (Teuta Swimming) 1810 pikë
Kategoria B (Datëlindja 2003-2004)
Meshkuj
200 m stil i lirë Klejdi Kadiu (Teuta Swimming) 2’41”75
50 m bretkosë Xhoi Lavdaniti (Te Stela) 47”06
100 m shpinë Etien Hashorva (Te Stela) 1’57”47
4×200 m stil i lirë Tirana 14’16”90
100 m stil i lirë Klejdi Kadiu (Teuta Swimming) 1’13”96
200 m bretkosë Even Qarri (Tirana) 3’56”52
50 m flutur Ronaldo Serjani (Saranda) 41”12
Sportisti më i mirë: Klejdi Kadiu (Teuta Swimming) 958 pikë
Femra
50 m bretkosë Sonia Kapedani (Uillson) 48”19
100 m stil i lirë Najada Kullakshi (Uillson) 1’27”84
50 m flutur Ledia Allaraj (Partizani) 41”64
100 m shpinë Erin Vasili (Te Stela) 1’44”80
Sportistja më e mirë: Sonia Kapedani (Te Stela) 760 pikë