Starova jep dorëheqjen: E bëra në respekt të tifozerisë

537
Partizani mbetet pa trajner. Sulejman Starova ka dhënë sot dorëheqjen nga posti i teknikut të skuadrës kryeqytetase, duke mbajtur tashmë vetëm rolin e këshilltarit të presidentit Gazment Demi. Trajneri e ka konfirmuar largimin e tij në një prononcim për “Panorama Sport”.
“Në respekt te kërkesës se tifozëve i kam paraqitur presidenti Demi dorëheqjen time me qëllim që të mos cenohet harmonia në familjen e Partizanit”, u shpreh Starova për këtë vendim i cili në fakt qarkullonte në klubin e kuq prej disa ditësh.
Dje, grupimi “Ultras Guerrils” kërkoi nga klubi i Partizanit largimin e Starovës nga drejtimi i skuadrës, duke fajësuar atë për dështimin në Ligën e Europës. Pritet që klubi të diskutojë këto ditë variantet për emrin e trajnerit të ri ku më i mundshmi është ai i Mlladen Milinkoviç.
Sigal