Sportisti Kristian Prenga do të garojë për titullin kampion Europe në Kikboks, më 19 shkurt në Tiranë.
Lajmi konfirmohet nga trajneri i Prengës, Ismail Keta, i cili bën të ditur se ka marrë konfirmimin nga federata IKBF, që sportistit shqiptar Kristian Prenga i jepet e drejta për titullin Europian në Kikboks, më datë 19 shkurt në Tiranë.
“Kristian Prenga, përveçse ka fituar të gjitha ndeshjet e fundit në Gjermani, Shqipëri dhe Holandë, është bërë shembull, për rolin e rëndësishëm të Sportit në rininë shqiptare, për t’ju larguar rrugës dhe veseve të këqija, duke u bërë kampion në arenat ndërkombëtare. Nga ky djalë shtatlartë, do dëgjoni shumë lajme të mira.!” -thekson trajneri i tij, Ismail Keta.