Sergio Ramos kërkon largimin nga Reali i Madridit/ Kina i ofron 35 milionë euro në vit

485
Sigal

Orë të nxehta për të ardhmen e Sergio Ramos. Kapiteni kërkon largimin nga Reali i Madridit si pasojë e një oferte të çmendur që ka marrë nga Kina, por Los Blancos nuk dëshirojnë ta lëshojnë falas.

Problemi kryesor qëndron te fakti se në Kinë e kanë të pamundur të paguajnë për kartonin e futbollistit, pasi me rregullat e reja të vendosura nga qeveria kineze, klubeve të futbollit nuk u lejohet të nxjerrin fonde jashtë Kine.

Vetë Ramos e ka justifikuar kërkesën për largim me një sherr të egër që ka pasur me Florentino Perez pas eliminimit nga Ajax, por bosi i Realit nuk pranon absolutisht ta lëshojë falas kapitenin, edhe pse e ka pranuar se Ramos është një nga lojtarët më të paguar në Madrid dhe largimi i tij do lehtësonte ndjeshëm klubin.

Ndërkohë, mediat spanjolle zbulojnë edhe detajet e ofertës të pabesueshme kineze.

Ramos ka në tryezë një kontratë 3-vjeçare, me 35 milionë euro neto në vit, në një kohë që në Madrid merr rreth 13 milionë euro.