Starton Kampionati i 20-të Botërori i Futbollit. Ceremoni madhështore në “Arena”, protesta në Sao Paölo
Ceremoni madhështore në “Arena Korinthnias” të Sao Paolos, me një mesazh të qartë “Ne jemi bota”, si një homazh për futbollin. Vallëzime magjike, ngjyra të mrekullueshme, një atmosferë tepër e gëzuar shoqëroi Ceremoninë e Hapjes së Kampionatit të 20-të Botëror. Një spektakël magjik me rreth 600 balerina! Xhenifer Lopez, kubanezi Pitbill dhe braziliani Klaudia Leite perfomuan këngën e Botërorit “Ne jemi një” përpara 68 mijë vetave, me portat e stadiumit që ishin hapur gati tri orë përpara, për të shijuar një ceremoni gati 25 minuta. Samba fton për vallëzim gjithë botën! 12 krerë shtetesh ishin të pranishëm në ditën e parë të Botërorit mes tyre edhe kreu i Kombeve të Bashkuara, Ban Ki Moon, teksa mungoi presidentja Dilma Rousef për shkak të kontestimeve të shumta. Botërori nisi me ndeshjen Brazil-Kroaci, ku tifozët brazilianë ishin veshur në përgjithësi me fanellën e yllit të tyre Nejmar. Sipas organizatorëve për çdo minutë të spektaklit janë bërë 20 orë provash, ndërkohë që, për të realizuar kostumet kanë punuar 15 rrobaqepëse, janë përdorur 120 mijë metra pëlhurë, 50 mijë metra tel, 50 mijë gurë dhe kristale dekorative si dhe 300 metra dhe 606 koka zinxhirësh. Rrugët e Sao Paolos ishin të mbushur me flamujt vendas. Botërori merr jetë mes vëmendjes maksimale. 32 skuadra në garë, 64 ndeshje, 600 mijë turistë në Brazil dhe një mori numrash e statistikash të tjera. Do të jetë ky natyrisht edhe edicioni më teknologjik i të gjitha kohërave pasi për këtë herë padronin do ta bëjnë faqet e internetit, rrjetet sociale, tabletet dhe telefonat inteligjentë. Gjithsesi, përpara Ceremonisë nuk munguan protestat e forta thuajse të zakonshme gjatë ditëve të fundit, për shkak të shpenzimeve marramendëse, rreth 11 miliardë dollarë. Qindra protestues zbritën në qendër të qytetit Sao Paulo, rreth 13 km larg stadiumit, duke shkaktuar trazira pas përplasjes me policinë. Pak orë përpara startit zyrtar të evenimentit pikërisht në këtë qytet me ndeshjen Brazil-Kroaci, manifestuesit kanë hedhur mjete të forta në drejtim të forcave të rendit, e cila ka reaguar me gaz lotsjellës, por gjatë përleshjeve ka mbetur e plagosur edhe një gazetare e kanalit amerikan CNN, madje edhe dy gazetarë të plagosur. Kjo është vetëm një prej shumë lëvizjeve të organizuara deri tani nga shoqatat e ndryshme dhe njerëzit e shtresave të ulëta që kundërshtojnë investimet marramendëse për organizimin e këtij evenimenti. Sipas informacioneve, në krye të protestuesve qëndrojnë grupet e majta braziliane që mesa duket janë ribashkuar për të shkaktuar trazira në të gjitha qytetet braziliane ashtu siç ndodhi edhe në Kupën e Konfederatave 2013. Për të siguruar zhvillimin normal të Kupës së Botës janë angazhuar 150 mijë ushtarë e policë dhe rreth 20 mijë oficerë privatë sigurie. Në Brazil priten të mbërrijnë rreth 600 mijë tifozë nga e gjithë Bota.
Papa Françesku, urim për Botërorin
Papa Françesku bëri një urim special për Botërorin e Brazilit. “Le të zhvillohet kjo Kupë Bote me gjithë qetësinë e duhur, gjithnjë me respektin reciprok, në solidaritet dhe vëllazëri mes burrave e grave, si dhe njerëzve që janë pjesë e së njëjtës familje”. Papa është tepër i pasionuar për futbollin.
Spanjë-Holandë, përsëritje e finales
Sfida e sotme Spanjë-Holandë (22:00) pritet me shumë interesim, jo vetëm për të riparë finalen e Kampionatit Botëror të kaluar, por dhe për të parë gjendjen e kampionëve në fuqi të Botës. Spanja vjen si pretedentja numër një dhe trajneri Vinsente Del Boske e ka mjaft të qartë misionin e tij. Po sot, në orën 18:00 do të luhet dhe Meksikë-Kamerun.
Ozil: “Gjermania, një ekip i frikshëm”
Mesfushori i Gjermanisë, Mesut Ozil, theksoi se përfaqësuesja e Gjermanisë ka një dëshirë të madhe për të triumfuar në Botëror në mënyrë mirënjohjeje për trajnerin Joakim Lëv. “Mendoj se jemi një ekip i frikshëm në çdo vend të botës që luajmë. Rivalët dëshirojnë të mos përballen me Gjermaninë pasi kanë frikë nga potenciali ynë”.
121 lojtarë, Anglia dominon Botërorin
Dikur ishte Italia apo Spanja, por sot Botërorin e dominon Anglia. Skuadrat angleze janë ato më të përfaqësuara në botërorin Brazil 2014. Nga 736 lojtarë që janë grumbulluar për të luajtur për kombëtaret e tyre në këtë eveniment, 107 prej tyre aktivizohen nëpër skuadrat e Premier League, 13 futbollistë në Championship dhe një në kategorinë e tretë angleze.
Ronaldo, “perandori” i rrjeteve sociale
Kristiano Ronaldo është lojtari më i mediatizuar në rrjetet sociale, duke lënë pas rivalin e tij Lionel Messi në klasifikimin e pëlqimeve në faqet respektive të “Facebook”. Ronaldo ka plot 79.5 milionë pëlqime nga ana e tifozëve. Plot 23 milionë më shumë se argjentinasi i Barcelonës, i cili ka marrë 56.2 milionë pëlqime. Dje, stërvitja e Portugalisë u ndoq nga rreth 10 mijë tifozë, për të parë yllin Kristiano Ronaldo.
Brazili, favoriti i kompanive të basteve
Brazili është favoriti absolut për të triumfuar në Botëror. Të paktën kështu mendojnë ata që në lojë vënë paratë. Për kompanitë kryesore të basteve në botë do të jetë “Selecao” ajo që do të triumfojë në datën 13 korrik në stadiumin mitik “Maracana”. Pjesa më e madhe e kompanive të basteve e kuotojnë me keofiçentin 3 suksesin final të 5-herë kampionëve të Botës. Pas vendit organizator qëndron Argjentina.
Platini: “Koha e Blaterit ka përfunduar”
Duket si një rrufe në qiell të pastër! Mishel Platini kundër Sep Blaterit. Presidenti i UEFA-s në një intervistë për të përditshmen franceze “L’Equipe” deklaroi se “mbretëria” e Blater ka përfunduar dhe se ai nuk do ta mbështesë numrin 1 të qeverisë së futbollit botëror në një mandat të ri. “Nuk do ta mbështes më, mendoj se koha e tij ka përfunduar”.
KALENDARI SIPAS DATAVE
Ndeshjet
12 QERSHOR
GR/A Brazil-Kroaci 22:00
13 QERSHOR
GR/A Meksikë-Kamerun 18:00
GR/B Spanjë-Holandë 22:00
14 QERSHOR
GR/B Kili-Australi 00:00
GR/C Kolumbi-Greqi 18:00
GR/D Uruguai-Kosta Rika 21:00
15 QERSHOR
GR/D Angli-Itali 00:00
GR/C Bregu F.-Japoni 03:00
GR/E Zvicra-Ekuador 18:00
GR/E Francë-Honduras 21:00
16 QERSHOR
GR/F Argjentinë-Bosnjë 00:00
GR/G Gjermani-Portugali 18:00
GR/F Iran-Nigeri 21:00
17 QERSHOR
GR/G Ganë-SHBA 00:00
GR/H Belgjikë-Algjeri 18:00
GR/A Brazil-Meksikë 21:00
18 QERSHOR
GR/H Rusi-Koreja J. 00:00
GR/B Australi-Holandë 18:00
GR/B Spanjë-Kili 21:00
19 QERSHOR
GR/A Kamerun-Kroaci 00:00
GR/C Kolumbi-Bregu F. 18:00
GR/D Uruguai-Angli 21:00
20 QERSHOR
GR/C Japoni-Greqi 00:00
GR/D Itali-Kosta Rika 18:00
GR/E Zvicër-Francë 22:00
21 QERSHOR
GR/E Honduras-Ekuador 00:00
GR/F Argjentinë-Iran 18:00
GR/G Gjermani-Ganë 21:00
22 QERSHOR
GR/F Nigeri-Bosnje 00:00
GR/H Belgjikë-Rusi 18:00
GR/H Koreja J.-Algjeri 21:00
23 QERSHOR
GR/G SHBA-Portugali 00:00
GR/B Australi-Spanjë 18:00
GR/B Holandë-Kili 18:00
GR/A Kamerun-Brazil 22:00
GR/A Kroaci-Meksikë 22:00
24 QERSHOR
GR/D Itali-Uruguai 18:00
GR/D Kosta Rika-Angli 18:00
GR/C Japoni-Kolumbi 22:00
GR/C Greqi-Bregu F. 22:00
25 QERSHOR
GR/F Nigeri-Argjentinë 18:00
GR/F Bosnjë-Iran 18:00
GR/E Honduras-Zvicra 22:00
GR/E Ekuador-Francë 22:00
26 QERSHOR
GR/G Portugali-Ganë 18:00
GR/G SHBA-Gjermani 18:00
GR/H Koreja J.-Belgjikë 22:00
1/8 E FINALEVE
28 QERSHOR
49. 1A-2B 18:00
50. 1C-2D 22:00
29 QERSHOR
51. 1B-2A 18:00
52. 1D-2C 22:00
30 QERSHOR
53. 1E-2F 18:00
54. 1G-2H 22:00
1 KORRIK
55. 1F-2E 18:00
56. 1H-2G 22:00
ÇEREKFINALET
4 KORRIK
57. Fit. 49-Fit. 50 22:00
58. Fit. 53-Fit. 54 18:00
5 KORRIK
59. Fit. 51-Fit. 52 22:00
60. Fit. 55-Fit. 56 18:00
GJYSMËFINALET
8 KORRIK
61. Belo Horizonte
Fit.57.-Fit.58 22:00
9 KORRIK
62. Sao Paolo
Fit.59-Fit.60 22:00
Vendi i tretë
12 KORRIK/BRAZILIA
Humb.61.-Humb.62 21:00
Finalja
13 KORRIK/RIO DE ZHANEIRO
Fit.61-Fit.62 21:00
