Në mesin e këtij muaji, peshëngritësi Erkand Qerimaj, në një intervistë ekskluzive për gazetën “Telegraf”, deklaroi se në këtë Kampionat Botëror, ai pretendon të marrë medalje. “Unë nuk po ju them një rezultat fiks, por do të synoj që të jap maksimumin tim, me pretendimin që të arrij në zonën e medaljeve. Kjo do të varet shumë edhe se si do të më shkojë gara, por unë jam optimist se do t’ia dal me sukses, natyrisht, me një mbështetje shumë të fuqishme të trajnerit tim Zef Kovaçi”.
