Tirana barazoi 0-0 në ndeshjen ndaj Vllaznisë, e vlefshme për javën e 12- të në Kategorinë Superiore.Megjithatë, përveç pikës së fituar, Tirana ka humbur një element të rëndësishëm në organikën e saj. Bëhet fjalë për mesfushorin Idriz Batha, i cili u ndëshkua me karton të verdhë.27-vjeçari ka plotësuar numrin e kartonëve dhe për pasojë do të jetë i pezulluar për sfidën e ardhshme në kampionat ndaj Skënderbeut. Takim ky i cili do të luhet vetëm pas dy javëve, teksa në këtë moment është koha e ndeshjeve të Kombëtares dhe kampionati do të jetë i ndërprerë.
