Rikonfirmohet Agim Çiraku
Zgjedhjet e reja për Federatën Shqiptare të Notit të
paralajmëruara mbi 1 muaj më parë u kryen me sukses ditën e premte. Në
respektim të ligjit dhe të gjitha akteve ligjore, nënligjore dhe statutit, u përgatit i gjithë
dokumentacioni me njoftimet përkatëse. Veç kësaj një rëndësi të veçantë kishte
merrte edhe përzgjedhja dhe mos lejimi i njerëzve me precedent penal, kriminal dhe
që ligjet aktuale të miratuara nga shteti dhe parlamenti shqiptar i
konsideronin si të papajtueshëm me konkurrimet për të gjitha nivelet e kryesisë,
por edhe presidencës.
Po të kemi parasysh prioritetet e vendit për hapjen
e negociatave me BE dhe 15 rekomandimet
e lëna në fuqi nga vetë organizmi evropian
për zgjerimin e pastërtisë së figurës në të gjitha nivelet e administratës
qendrore, vendore dhe institucionet e tjera . Zgjedhjet u mbajtën në kompleksin
“STELA” nën kujdesin dhe disiplinën e
admirueshme, pavarësisht ndonjë pretendimi për lejim dhe hapje të dyerve për
tifozët e përfaqësuesve të ndryshëm, pretendent për kreun e Federatës dhe anëtarëve
të kryesisë të cilët në fund të fundit janë edhe vendimmarrësit kryesor.
Në
protokollin e zgjedhjet për Kryesinë dhe Presidencën e Notit merrnin pjesë 15
delegatë me të drejtë vote. Në votim morën pjesë 11 delegatë, ndërsa 4 të tjerë nuk votuan.
Votimi për Presidentin e Federatës së Notit Shqiptar
Dy
ishin kandidaturat për presidencën e notit.
Nga
11 delegatët,10 votuan pro kandidatit Agim Çiraku , 1 votë doli e pavlefshme
dhe 4 delegatë u larguan .
Votat
e marra për anëtar te komitetit drejtues
Nga 11 votuesit u morën këto vota :
1. Ulpiana Shpata
10 vota
2. Kejda Ushtelenca 9
vota
3. Enklid Gjini 9 vota
4. Ilir Ngresi 8 vota
5. Robert Sedaraj 8 vota
6. Albert Bozhanaj 7 vota
Të 11 delegatët që vendosën për Komitetin Drejtues dhe Presidentin e Notit , përfaqësojnë 150
sportistë nga e gjithë Shqipëria, ndërsa 4 klube
dhe shoqata (Vlorë-Sarandë) gjithsej përfaqësonin 5 sportistë.
1. Të
Flamurtarit që këtë vit ka marrë pjesë gjithë
vitin vetëm në 2 aktivitete
zyrtare një herë me
2 sportistë dhe 1 herë me 1 sportist;
2. Delegat i shoqatës Jon që këtë
vit nuk ka marrë pjesë në asnjë aktivitet, pasi nuk ka pasur asnjë sportist;
3. Delegati i shoqatës Saranda Not
Sport që këtë vit nuk ka marrë pjesë në
asnjë aktivitet, nuk ka pasur asnjë
sportist dhe nuk ka kryer
detyrimet financiare vjetore;
4. Delegati i shoqatës TDS që
gjatë këtij viti ka pasur pjesëmarrës në aktivitete vetëm
2 sportistë;
Këta ishin
4 delegatë të bashkisë Vlorë dhe Sarandë qe u larguan dhe që përfaqësonin vetëm
5 sportistë. Ndërsa delegati tjetër i Vlorës që përfaqësohet rregullisht në
aktivitete, mori pjesë edhe në votim. Sigurisht që një pjesë e delegatëve të
larguar kishin edhe konflikte interesi dhe mangësi të qëllimshme të deklarimit
të CV dhe pastërtisë së figurës konform ligjit dhe kushteve të vëna nga BE dhe
ambasadorët e SHBA dhe BE në Tiranë. Gjithsesi, e rëndësishme është, që sporti
fitojë dhe përfaqësuesit e 150 notarëve
shqiptarë nga 155 që janë të federuar aktualisht, votuan për Komitetin e tyre Drejtues
dhe President të Federatës Shqiptare të Notit
z. Agim Çiraku. I pyetur pas votimit
për besimin maksimal,10 me 0 dhe vetëm 1 abstenim,
Presidenti Agim Çiraku tha se, “Mandatimin unanim të komunitetit të notit, të përbëre nga trajnerë
që përfaqësojnë mbi 150 sportistë, nga 155 të federuar do ta justifikoj
maksimalisht. Në dhjetor ne do përfaqësohemi në Kanada dhe kjo falë mbështetjes së Federatës Botërore
me të cilën kemi raporte të shkëlqyera. Federata Italiane, e cila ka edhe
kryesimin e Federatës Evropiane do të vazhdojë të mbetet partnerja jonë
strategjike dhe se marrëveshjen për
specializimin e trajnerëve dhe sportistëve në klubet e në pishinat e
kombëtare të Italisë, do ta zgjerojmë edhe më shumë. Pas zgjedhjeve do të ftoj
përsëri në Tiranë Presidentin e Notit të Italisë, njëkohësisht edhe kreun e
Notit Evropian, me qëllimin e vetëm, modernizimin e ambienteve gjatë sezonit të
garave dhe marrjen e bursave olimpike dhe specializimeve. Rreth 70% të notarëve
dhe pothuaj të gjithë trajnerët i kemi dërguar
në të gjitha aktivitetet ballkanike, evropiane dhe botërore.”
Në fund të zgjedhjeve Noteria e
pranishme legalizoi veprimtarinë dhe dokumentacionin, i cili dërgohet sot në
gjykatë për të dokumentuar dhe freskuar
sipas detyrimit ligjor.