Cristiano Ronaldo përjetoi një mbrëmje të zezë në Madrid, sepse Atletico e dërrmoi Juventusin dhe rezultati 2-0 është mjaft i vështirë për t’u përmbysur.
Vetë portugezi nuk mundi të bënte shumë, mes mbrojtësve të hekurt të Atletico-s, ndërsa gjatë ndeshjes u nervozua jo vetëm për aktin se nuk po i ecte loja, por edhe për ngacmimet nga tifozët e Atletico-s, rivalët e egër të Realit, ku CR7 luante dhe fitonte trofe pa fund deri vjet.
Batutat dhe ofendimet nga tribunat nuk kishin të ndalur, derisa Ronaldo u kthye nga tifozët dhe telekamerat e kapën duke bërë shenjën “5” me gishta. Pesë, si Champions që ai ka fituar me Realin, 5 si Topat e Artë që ai ka fituar.
Pas ndeshjes Ronaldo nuk u ndal fare të fliste për gazetarët, ndërsa dukshëm nervoz tha në ecje e sipër: “Gjesti me dorë? Do të thotë që unë kam fituar 5 Champions, ndërsa ju zero. Do ta shohim kush do kualifikohet”.
Cristiano Ronaldo 34 years, 5 Champions league titles.
Atletico Madrid 116 years, 0 Champions league titles.
— Cristiano Ronaldo Motivation (@cristianomotive) February 21, 2019
