TE STELA, KAMPIONIA E TEUTA CUP 2019…
Thoma Duni “bisha” e stilit shpinë. Pas rekordit të Ilir Ymerit, përmbys dhe atë të Sidni Hoxhës pas shtatë vjetësh. Bëhet fjalë për 100 dhe 200 metra shpinë
Gjergj Vyshka
Te Stela është mbretëresha e “Teuta Cup 2019”, që për tre ditë me radhë është zhvilluar në pishinën “Taq Dafa” të Durrësit. Në këtë aktivitet kanë marrë pjesë 296 sportistë, 172 meshkuj dhe 124 femra. Ato kanë përfaqësuar 21 ekipe nga Shqipëria, Kosova, Mali i Zi, Maqedonia e Veriut, Italia dhe Gjermania. Në të tria ditët e garave, që kanë nisur të premten pasdite dhe kanë përfunduar të dielën në mbrëmje, rezultatet kanë qenë në ngritje. Ai që spikat është Thoma Duni i Vlorat Not Sport me dy rekorde për të rriturit nga ato që kishte vite që i kishte zënë pluhuri. Të premten vlonjati ka përmbysur rekordin 30 vjeçar të Ilir Ymerit në 200 metra shpinë. Pikërisht më 1989, Ymeri do të fiksonte kohën 2’21”40, kurse tashmë Duni 2’17”92. Pra gati me 23 sekonda, ndërsa gjithçka ka qenë e matur me tabelë elektronike, e cila ka ardhur si ndihmë për këtë aktivitet nga Federata e Notit e Kosovës. Më pas në 100 metra shpinë, po Thoma Duni, pas 10 vjetësh, do të përmbyste rekordin e Sidni Hoxhës. Nga 1’03”93 në 1’02”92 një kohë shumë e mirë e Thoma Dunit. Përgjithësisht garat janë karakterizuar nga fryma Fair-Play dhe rezultatet e larta të të gjithë pjesëmarrësve.
KAMPIONATI I FËMIJËVE – Sekretarja e përgjithshme e Federatës Shqiptare të Notit, Suela Haxhija, ka bërë të ditur se aktiviteti i radhës është Kampionati i Fëmijëve, i cili më 26-27 qershor do të zhvillohet në pishinën e Akuadromit. E më pas mbetet Kupa e Shqipërisë, si dhe kampionati për të rritur dhe të rinj. Pa harruar aktivitetet ndërkombëtare.
Rezultatet teknike të “Teuta Cup 2019”
DJEM B/SPORTISTI MË I MIRË:
Spiro Goga (Teuta) 1850 pikë
DJEM C/SPORTISTI MË I MIRË:
Paolo Priska (Eagles) 1578 pikë
DJEM D/SPORTISTI MË I MIRË:
Alesandro Muka (TEUTA) 1337 pikë
DJEM E/SPORTISTI MË I MIRË:
Jordi Gjini (Eagles) 740 pikë
DJEM-OPEN/SPORTISTI MË I MIRË:
Art Krasniqi (Swim Team Elmshorn) 2095 pikë
VAJZA B/SPORTISTJA MË E MIRË
Hyrije Ganiu (Ilirida) 1158 pikë
VAJZA C/SPORTISJA MË E MIRË
Eda Zeqiri (Step Prishtinë) 1871 pikë
VAJZA D/SPORTISTJA MË E MIRË
Andja Myrtaj (Xhenova) 1672 pikë
VAJZA E/SPORTISTJA MË E MIRË
Kaltra Meçe (Te Stela) 1088 pikë
VAJZA OPEN/SPORTISTJA MË E MIRË
Eda Zeqiri (Step Prishtinë) 1871 pikë
TABELA E MEDALJEVE MESHKUJ/FEMRA
SKUADRA ARI ARGJENDI BRONZI
TE STELA 32 31 30
STEP PRISHTINË 32 28 14
EAGLES TIRANË 16 18 14
TEUTA DURRËS 15 6 6
XHENOVA NMS 15 3 5
ILIRIDA 6 8 7
SHKZ PRISHTINË 6 4 4
SPORTIV NOTI TIRANA 4 8 21
SWIMM TEAM ELMSHORN 4 1 –
ZEN PRISHTINË 3 6 1
NEMO PRISHTINË 3 3 3
H20 PRISHTINË 1 4 4
TER PRISHTINË 1 3 4
TRADITA TIRANË 1 3 1
KOSOVO 1 1 1
UNATTACHED 1 – –
SG EURO SËIMM TEAM – 3 1
PRISHTINA PR – 2 –
VALA – 1 1
KASTRIOTI FERIZAJ – – 5
BESA MAQEDONI – – 1
GAG KOSOVË – – 1
MIT MITROVICË – – 1
