SOT NË LIGËN E EUROPËS/ Flora-Kukësi (18:30), Laçi-Diferdanzh (19:00) dhe Teuta-Daçia (20:00)
Me ndeshjet Flora-Kukësi (18:30, në Estoni), Laçi-Diferdanzh (19:00, në Korçë) dhe Teuta-Daçia (20:00, në Durrës) nis aventura e radhës e skuadrave tona në Ligën e Europës, pikërisht me turin e parë eliminator. Ndeshjet e kthimit do të luhen më 11 korrik.
Sfida që tërheq më shumë vëmendjen është pa dyshim ajo e “Niko Dovanës” mes Teutës dhe Daçia Kishinievit, që do të nisë në orën 20:00. Ekipi moldav konsiderohet një kundërshtar i kalueshëm për durrsakët, por statistikat nuk flasin në favor të “djemve e detit”. Në tri pjesëmarrjet e fundit në Kupat e Europës. Dacia Kishiniev ka arritur ta kalojë turin e parë dy herë, duke eliminuar në sezonin 2010-2011 Zetan e Podgoricës në Europa Ligë, ndërsa në sezonin 2012-2013 kaloi skuadrën sllovene të Celjes. Nuk ka lënë shije të mirë aventura europiane e Teutës sidomos në sezonin e fundit. Përtej optimizmit të ekipit durrsak në momentin e hedhjes së shortit, që një vit më parë e vuri përballë Metalurg Rustavit të Gjeorgjisë, fusha e blertë tregoi disnivel të madh mes futbollit të dy vendeve. Teuta u mposht 3-0 në fushën e saj, ndërsa në sfidën e kthimit disfata rezultoi edhe më e rëndë me shifrat 1-6. Pra, 9 gola në dy ndeshje! Me trajnerin Gugash Magani, Teuta premton një lojë sulmuese, për të hedhur një hap drejt kualifikimit që në takimin e parë. Faza përgatitore në Bullgari dhe ndeshjet miqësore i bën shumë mirë ekipit durrsak. Daçia Kishinau nuk është një emër jo të panjohur për publikun shqiptar, kjo pasi moldavët eliminuan Partizanin në sezonin 2003-2004 të Kupës Intertoto, me dy fitore ndaj të kuqve: 2-0 në kryeqytetin e vendit të tyre dhe 3-0 në Tiranë. Klubi moldav është relativisht i ri, i themeluar në vitin 1999. Laçi bëhet gati për aventurën e dytë evropiane me ëndrrën për të kaluar turin e parë eliminator në Ligës së Europës. Fituesit e kupës së Shqipërisë dëshirojnë të vijojnë aty ku e mbyllën sezonin, në një impiant të rëndësishëm në vend dhe me një tjetër fitore. Në stadiumin “Skënderbeu” kurbinasit do të presin skuadrën e Luksemburgut, Diferdanzh, që paraqet një mundësi reale për të kaluar turin. Në debutimin e tij të parë në Europë, atë në sezonin 2011-2012, Laçi la kujtime të hidhura, pasi u eliminua në mënyrë të turpshme me bjellorusët e Dnjepër Mogilovit, ku humbën në transfertë 7-1, duke u eliminuar me rezultatin e përgjithshëm 8-2, pasi ndeshja e parë në Laç përfundoi 1-1. Por, këtë radhë laçjanët i kanë të gjithë mundësitë të kalojnë në turin e dytë dhe të përfitojnë dhe 70 mijë euro të tjera nga UEFA, pasi shorti i vuri përballë me luksemburgasit e Diferdanzhit. Megjithatë pasi shkruan historinë me suksesin për herë të parë në kupën e Shqipërisë, formacioni i drejtuar nga Stavri Nica është i uritur për të vijuar më tej. Dështimi në debutimin e tyre në Europë tre vite më parë është një kujtim i hidhur, por që kësaj skuadre i shërben si mësim. Përpara është një kundërshtar i lehtë në letër, që përfaqëson një kampionat të një niveli të dobët. Diferdanzh është ekipi i një qyteti me 23 mijë banorë, që ndodhet në kufirin frankobelg. Klubi u formua në vitin 2003, pas bashkimit të dy klubeve lokale. Në Europë mbetet kualifikimi historik i ekipit në turin e tretë të Ligës së Europës në vitin 2011, ku u eliminua nga PSG. Si të gjithë klubet e Luksemburgut, ai është një klub amator. Edhe pse nuk ka qenë në gjendje që të fitojë titullin, ekipi zuri vendin e katërt, duke u mundur nga Esh në finalen e Kupës së Luksemburgut dhe kështu fitoi të drejtën të luajë në Europë. Lojtarët më të njohur janë Bukviç, Janisch dhe Betmer. Sezonin e kaluar Diferdanzh regjistron 20 pjesëmarrje në Ligën e Europës, 2 në Ligën e Kampioneve dhe 6 në Kupën e Kupave. Arbitër i sfidës do të jetë sanmarinezi Leonardo Guidi. Takimi nis në orën 19:00 në “Qemal Stafa”. Kukësi do të luajë sot në Talin të Estonisë, me ekipin vendas Flora Talin, duke bërë edhe kështu debutimin e tij historik në aktivitet ndërkombëtare. Flora e ka fituar 9 herë titullin në “Meistriliiga”, 6 herë Kupën e Estonisë dhe 7 herë Superkupën e Estonisë. Paraqitet në Ligën e Europës si fituese e Kupës së Estonisë.
NDESHJET E TEUTËS
KUPA E KUPAVE
1995-1996
TPS Turku (Finlandë)-Teuta 1-0
Teuta-TPS Turku 3-0
Teuta-Parma (Itali) 0-2
Parma-Teuta 2-0
LIGA E EUROPËS
1994-1995
Teuta-Apolon Limasol (Qipro) 1-4
Apolon Limasol-Teuta 4-2
1996-1997
Teuta-Kosice (Sllovaki) 1-4
Kosice-Teuta 2-1
2000-2001
Rapid Vjenë (Austri)-Teuta 2-0
Teuta-Rapid Vjenë 0-4
2005-2006
Teuta-Shiroki Brijeg (Bosnjë) 3-1
Shiroki-Teuta 3-0
2007-2008
Slaven Belupo (Kroaci)-Teuta 6-2
Teuta-Slaven Belupo 2-2
2012-2013
Teuta-Metalurg Rust. (Gjeorgji) 0-3
Metalurg Rustavi-Teuta 6-1
KUPA INTERTOTO
1999
Akranes (Islandë)-Teuta 5-1
Teuta-Akranes 2-1
2002
Valeta (Maltë)-Teuta 1-2
Teuta-Valeta 0-0
Gloria Bistrica (Rumani)-Teuta 3-0
Teuta-Gloria Bistrica 1-0
2004
Teuta-Dubnica (Sllovaki) 0-0
Dubnica-Teuta 4-0
LAÇI NË EUROPË
Liga e Europës
2010-2011
Laçi-Dnjepër Mogil. (Bjellorusi) 1-1
Dnjepër Mogilev-Laçi 7-1
KUKËSI NË EUROPË
Për Kukësin kjo është hera e parë që merr pjesë
Kualifikimet në Europë
1. Tirana 11
2. Vllaznia 5
3. Dinamo 3
4. Partizani 2
5. Teuta 1
6. Besa 2
7. Elbasani 0
8. Flamurtari 3
9. Skënderbeu 0
10. Albpetrol 0
11. Apolonia 0
12. Tomori 0
13. Bylis 0
14. Laçi 0
SKUADRAT TONA NË EUROPË
Nr. Skuadra N F B H
1. Tirana 70 15 12 43
2 Partizani 40 6 7 27
3. Dinamo 38 7 6 25
4. Vllaznia 30 8 5 17
5. Flamurtari 26 5 4 17
6. Elbasani 6 1 2 3
7. Skënderbeu 4 1 0 3
8. Teuta 16 2 1 13
9. Besa 10 0 5 5
10. Albpetroli 2 0 0 2
11. Apolonia 4 0 0 4
12. Tomori 2 0 0 2
13. Bylis 2 0 0 2
14. Laçi 2 0 1 1
Total 252 45 44 163
PIKANTET
– Tirana ka më shumë fitore në Europë se çdo skuadër tjetër shqiptare: 15.
– Fitorja më e thellë brenda fushës është arritur në Tirana-Sliema 5-0.
– Fitorja më e thellë jashtë fushës është arritur në Sliema-Vllaznia 1-4.
– Humbja më e thellë brenda fushës është arritur në Besa-Olimpiakos 0-5.
– Humbja më e thellë jashtë fushës është arritur në Motheruell-Flamurtari 8-1.
– Flamurtari është e vetmja skuadër që ka kaluar dy ture: në sezonin 1987-1988.
– Tirana është kualifikuar më shumë se çdo skuadër tjetër në Europë: 11 herë
– Partizani është skuadra e parë shqiptare që kaloi një tur: në Kupën UEFA, 1970-1971.
– Apolonia është skuadra e vetme shqiptare që, nuk ka shënuar asnjë gol në Europë.
– Besa, Albpetroli, Apolonia, Tomori, Bylis dhe Laçi nuk kanë fituar asnjë ndeshje.
– Sulmuesi Indrit Fortuzi është shënuesi më i mirë shqiptar në Europë: 10 gola.
– Golin e parë në ndeshjet ndërkombëtare e ka shënuar Kolec Kraja i Partizanit (1962).
Shorti në Ligën e Europës
Turi i parë
2 korrik
Metalurg Shkup-Karabag 0-1
Sliema-Khazar Lankaran 1-1
Trans Narva-Gefle 0-3
Bala Toun-Levadia Tallin 1-0
3 korrik
Fuglafjordur-Linfield
4 korrik
Vikingur-Inter Turku
Zhalgiris-Saint Patrick
AUK Broughton-Ventspils
KR-Glentoran
Chikhura Sachkhere-Vaduz
Milsami Orhei-F91 Dudelange
Mladost Podgorica-Videoton
Flora Tallin-Kukësi
Teteks-Pyunik
Teuta-Dacia Kisinau
Libertas-Sarajevo
Levski Sofia-Irtysh
Hibernians-Vojvodina
Astana-N3
Santa Coloma-Zrinjski
Domzhale-Astra
Rudar Pljevlja-Mika
Santa Coloma-Breidablik
Drogheda United-Malmo
Mariehamn-Inter Bakı
Prestatyn-Liepajas
NK Celje-Tromso
Tiraspol-Skonto
Crusaders-Rosenborg
IBV-HB Torshavn
Jeunesse Esch-TPS Turku
Kruoja-Dinamo Minsk
La Fiorita-Valletta
Laçi-Differdange 03
Gandzasar Kapan-Aktobe
Çelik Nikshiç-Honved
Torpedo-MSK Zhilina
Turnovo-Suduva
– Ndeshjet e kthimit, më 11 korrik
