Në “Olimpiko” të Romës, Lacio e De Vrij, pranë e larg Champions-it

161

Nga Agron KAJA

ITALI SERIA A/ Juventusi sot zyrtarizohet Kampion, katër skuadra në ethet e mbijetesës, në Romë ndeshje vendimtare për Evropën

Ndërsa Juventusi sot do të festojë Titullin Kampion, në Romë ka një ndeshje “zjarri”, Lacio-Inter”, kështu theksonin dje mediat italiane për sfidën e javës së 38-të që do të luhet nesër në “Olimpiko” të Romës, në ora 20:45. Veç ndeshjes, mbrojtësi holandez De Vrij, që u bë çështje para kësaj ndeshje mes Lacios dhe Interit, që do të marrë vendimin se kush do të shkojë në Champions. Holandezi ka nënshkruar më parë me Interin, por duhet të mbyllë sezonin me Lacion, dhe sfida me ekipin e tij të ardhshëm është vendimtare. Për këtë ndeshje, tifozeria laciale është ndarë në gjykimin e saj, nëse mbrojtësi duhet të luajë apo jo. Ndërsa drejtori sportiv i Lacios, Igli Tare, duke folur për “Mediaset Premium”, deklaroi dje se De Vrij duhet të luajë, ndërsa vetë futbollisti ka bërë të qartë mendimin e tij. “Ju e dini se çfarë kam kaluar unë ditët e fundit, gjithë ato dyshime në të cilat është folur shumë për mua. Por, unë dua të luaj, sepse është një ndeshje shumë e rëndësishme për të kurorëzuar me sukses këtë sezon pozitiv”, kështu ka theksuar holandezi nga Formelo, qendra stërvitore e Lacios. Dëshira e tij është të jetë në fushë ndaj skuadrës së ardhshme, dhe nesër të presim vendimin e Simone Inzagit, nëse ai do të gjejë minuta për holandezin në këtë sfidë, pasi e ka në planin e rezervave. Ndërsa lajmi dje për mbrojtësin e Napolit, Elseid Hysaj, ka ardhur nga dy humoristët e njohur italianë, Pio dhe Amedeo, të cilët vazhdojnë të bëjnë ironi me shkodranin, sa herë e takojnë këtë të fundit. Të enjte Hysaj kishte shkuar të shihte një shfaqje të tyre në teatër, dhe aktorët kanë përfituar nga rasti për të takuar një nga idhujt e tifozerisë napolitane. “Hisaj, Ysaj, Hysaj. Na u deshën 10 minuta për të mësuar emrin”, ishin këto fjalët e humoristëve.

1 sfidë

Në mbylljen e Serisë A, ndeshja Lacio-Inter do të vendosë, se cila nga këto skuadra do të luajë në Ligën e Kampioneve

Ndeshjet-Java e 38-të

Sot, 19 maj 2018

Juventus-Verona         15:00

Nesër, 20 maj 2018

Xhenova-Torino          15:00

Milan-Fiorentina         18:00

Kaljari-Atalanta          18:00

Kievo-Benevento        18:00

Napoli-Krotone           18:00

Spal-Sampdoria           18:00

Udineze-Bolonja         18:00

Lacio-Inter                  20:45

Sasuolo-Roma             20:45

 

RENDITJA

Skuadrat          Nd       P

  1. Juventus 37 92
  2. Napoli 37 88
  3. Roma 37 74
  4. Lacio 37 72
  5. Inter 37 69
  6. Milan 37 61
  7. Atalanta 37 60
  8. Fiorentina 37 57
  9. Sampdoria 37 54
  10. Torino 37 51
  11. Sasuolo 37 43
  12. Xhenova 37 41
  13. Bolonja 37 39
  14. Kievo 37 37
  15. Udineze 37 37
  16. Kaljari 37 36
  17. Spal 37 35
  18. Krotone 37 35
  19. Verona 37 25
  20. Benevento 37 21

LA LIGA SPANJË

Për një intervistë me Iniestën, plagosen 11 tifozë katalanas

Dje, tifozët e Barcelonës kanë bërë të veçantë, pasi 11 vetë kanë mbetur të plagosur dhe janë shpërndarë në spitale të ndryshme të Barcelonës, si pasojë e Andres Iniestas. Personat ishin ulur në një tribunë të improvizuar në një fushë sportive në një nga lagjet e Barcelonës, ku Iniesta duhej të intervistohej. Mesfushori spanjoll, tashmë i deklaruar i larguar drejt Japonisë, duhej të merrte pjesë në emisionin “Chester”, në të cilin do të fliste rreth karrierës së tij dhe të ardhmes larg katalanasve. Për këtë arsye, në lagjen e Poble-sec në Barcelonë, ishte ndërtuar një tribunë spektatorësh në një fushë sportive, ku të pranishmit do të ndiqnin intervistën e futbollistit. Tribuna në fjalë nuk e ka mbajtur dot peshën e personave, dhe është rrëzuar pak minuta para fillimit të emisionit, ndërsa mes të plagosurve nga kjo ngjarje, fatmirësisht askush nuk është në gjendje të rëndë, edhe pse pasur mes tyre fëmijë. Në regjistrimet e emisionit tregohet për plagosurit që janë dërguar me shpejtësi në spital, dhe vetë klubi katalanas ka treguar interes për gjendjen shëndetësore të tyre. Sot dhe nesër, La Liga luan ndeshjet e javës së fundit, javë e cila vetëm për sulmuesin Armando Sadiku mund të sjellë ndonjë risi a surprizë në formacionin e Levantes, e cila e ka siguruar qëndrimin në këtë kategori me 45 pikë në vendin e 15-të.

1 lojtar

Mesfushori Andres Iniesta, sot luan ndeshjen e fundit me Barcelonën, pasi karrierën do ta vazhdojë në Japoni

 

Ndeshjet-Java e 38-të

Sot, 19 maj 2018

Selta Vigo-Levante     13:00

Leganes-Betis             16:15

Las Palmas-Girona      18:30

Malaga-Getafe                        18:30

Sevilja-Alavesh           18:30

Vijareal-Real Madrid  20:45

Nesër, 20 maj 2018

Valencia-La Korunja   12:00

Athl. Bilbao-Espanjol 16:15

Atl. Madrid-Eibar       18:30

Barcelona-Sociedad    20:45

 

RENDITJA

Skuadrat        Nd       P

  1. Barcelona 37 90
  2. Atl. Madrid 37 78
  3. Real Madrid37 75
  4. Valencia 37 70
  5. Vijareal 37 60
  6. Betis 37 60
  7. Sevilja 37 55
  8. Getafe 37 52
  9. Eibar 37 50
  10. Sociedad 37 49
  11. Girona 37 48
  12. Alavesh 37 47
  13. Selta Vigo 37 46
  14. Espanjol 37 46
  15. Levante 37 46
  16. A. Bilbao 37 43
  17. Leganes 37 40
  18. Deportivo 37 29
  19. Las Palmas37 22
  20. Malaga 37 20