Nëse kishit një dyshim sado të vogël për këtë djalosh, tani duhet t’i shuani. Emanuele Ndoj është një nga talentet më premtues, dhe këtë gjë po e tregon javë pas jave me skuadrën e Brescias në Seria B. Mesfushori i kombëtares sonë sonte në mbrëmje ka realizuar një gol spektakolar në barazimin 1-1 ndaj Padovas.
Në minutën e 77-të, Ndoj bën një finte të bukur në hyrje të zonës dhe më pas lëshon një goditje magjike që përfundon në cepin e portës. Ky ishte goli i dytë për mesfushorin e talentuar, i cili i jep një lajm të shkëlqyer trajnerit Panucci, i cili me siguri që do ta grumbullojë për dy sfidat e muajit janar.
Në sezonin e ardhshëm Ndoj me shumë mundësi do të luajë në Seria A pas këtyre paraqitjeve.
