Skënderbeu e nis mbrojtjen e titullit nga Elbasani. Tirana pret Apoloninë; Kukësi udhëton në Shkodër
Federata Shqiptare e Futbollit zbardhi dje kalendarët për Kampionatin e 76-të Kombëtar, ato të Kategorisë Superiore dhe të Kategorisë së Parë. 10 skuadrat konkurruese në edicionin 2014-2015 do të përballen me njëra-tjetrën në katër faza, duke bërë që të jenë 36 javët për këtë kampionat. Shorti i hedhur dje në ambientet e federatës nga Sekretari i Përgjithshëm, Ilir Shulku dhe Shefi i Garave, Besnik Çela, përcaktoi fillimisht ndarjen në kalendar të dy skuadrave të kryeqytetit, Tiranës dhe Partizanit, sipas të cilit do të jenë bardheblutë që do të luajnë në debutim në shtëpi, ndërsa të kuqtë jashtë saj. Me pas janë përcaktuar edhe pozicionet e skuadrave të tjera. Kështu, në javën e parë, me kampionët që do të nisin mbrojtjen e titullit me Elbasanin, por më shumë mundësi jo në stadiumin e ri për shkak të punimeve që po zhvillohen për rikonstruksionin e tyre. Nënkampionët e Kukësit do të debutojnë në “Loro Boriçi” ndaj Vllaznisë, Laçi do të presë Partizanin, Flamurtari i fuqizuar do të ketë përballë në stadiumin e tij Teutën, ndërsa Tirana do të presë Apoloninë. Në javët e tjera, kalendari ofron sfidat Tirana-Flamurtari në javën e 2-të, Partizani-Skënderbeu në javën e 3-të, Kukësi-Partizani në javën e 4-t, apo Tirana-Partizani (27 shtator) dhe Teuta-Skënderbeu në javën e 6-të, Skënderbeu-Tirana dhe Partizani-Flamurtari në javën e 7-të, Flamurtari-Skënderbeu dhe Tirana-Kukësi në javën e 8-të, Kukësi-Flamurtari dhe Teuta-Tirana në javën e 9-të. Ndërprerja e kampionatit do të bëhet më 20 dhjetor 2014 dhe do të rifillojë pas një muaji, më 20 janar 2015. Sipas formulës, nga Kategoria Superiore do të bien dy skuadra dhe po kaq do të ngjiten, të paktën në dy sezonet e ardhshme.
Java 1/ 23.08.2014
Tirana-Apolonia
Flamurtari-Teuta
Vllaznia-Kukësi
Elbasani-Skënderbeu
Laçi-Partizani
Java 2/ 30.08.2014
Apolonia-Partizani
Skënderbeu-Laçi
Kukësi-Elbasani
Teuta-Vllaznia
Tirana-Flamurtari
Java 3/ 10.09.2014
Flamurtari-Apolonia
Vllaznia-Tirana
Elbasani-Teuta
Laçi-Kukësi
Partizani-Skënderbeu
Java 4/ 14.09.2014
Apolonia-Skënderbeu
Kukësi-Partizani
Teuta-Laçi
Tirana-Elbasani
Flamurtari-Vllaznia
Java 5/ 20.09.2014
Vllaznia-Apolonia
Elbasani-Flamurtari
Laçi-Tirana
Partizani-Teuta
Skënderbeu-Kukësi
Java 6/ 27.09.2014
Apolonia-Kukësi
Teuta-Skënderbeu
Tirana-Partizani
Flamurtari-Laçi
Vllaznia-Elbasani
Java 7/ 04.10.2014
Elbasani-Apolonia
Laçi-Vllaznia
Partizani-Flamurtari
Skënderbeu-Tirana
Kukësi-Teuta
Java 8/ 18.10.2014
Apolonia-Teuta
Tirana-Kukësi
Flamurtari-Skënderbeu
Vllaznia-Partizani
Elbasani-Laçi
Java 9/ 25.10.2014
Laçi-Apolonia
Partizani-Elbasani
Skënderbeu-Vllaznia
Kukësi-Flamurtari
Teuta-Tirana
Kukësi merr Lushtakun
Skuadra e Kukësit vijon të përforcohet me element të rinj. Trajnerit Agim Canaj i është shtuar një tjetër futbollist për fazën sulmuese. Kushtrim Lushtaku i bashkohet kolonisë së kosovarëve në radhët e nënkampionëve të Shqipërisë. Sezonin e fundit Lushtaku ka qenë pjesë e Fortunës së Këlnit (Bundesliga 2). Ai më parë ka luajtur me Drenicën në Kosovë, ndërsa në për dy sezone (2011,2012) ka luajtur me Orebron në Suedi.
Teuta kërkon Shabanin
Te Teuta është në modë merkatoja kosovare dhe për drejtuesit e klubit prioritet është një mesfushor. Në shënjestrën e tyre ka përfunduar Xhevdet Shabani, mesfushori me tipare sulmuese i Drites së Gjilanit. Shabani është 27 vjeçar dhe konsiderohet si një nga lojtarët më të mirë që ka Superliga e Kosovës ndaj dhe drejtuesit e Teutës kanë avancuar duke arritur thuajse akordin me lojtarin kosovar.
Kategoria e Parë, Dinamo e nis në Gjirokastër
Kategoria e Parë zbardhi kalendarin e edicionit 2014-2015. Këtë sezon 20 skuadrat pjesëmarrëse janë ndarë në dy grupe, A dhe B, me nga 10 ekipe. Për grupin A, në javën e parë Besa do të përballet me Tërbunin në Kavajë, ndërsa Kastrioti pret Mamurrasin. Për atë B, Dinamo do të udhëtojë në Gjirokastër për t’u përballur me Luftëtarin. Bylisi pret Lushnjën.
GRUPI A
Java 1/ 13.09.2014
Kastrioti-Mamurrasi
Besa-Tërbuni
Kamza-Veleçiku
Iliria-Ada
Besëlidhja-Burreli
GRUPI B
Java 1/ 13.09.2014
Luftëtari-Dinamo
Sopoti-Butrinti
Tomori-Shkumbini
Bylis-Lushnja
Pogradeci-Naftëtari
Shtatë herë Kampioni i Botës në Formula 1 merr frymë vetë, hap sytë dhe flet me Korinën
Majkëll Shumaker del nga koma
Majkëll Shumaker ka dalë nga gjendja e komës dhe pas 155 ditësh la spitalin e Grenoble për t’u transferuar në një klinikë të specializuar për rehabilitimin në Lozanë të Zvicrës! Lajmi u publikua nëpërmjet një komunikate shtypi nga zëdhënësja e familjes, Sabine Kehm. “Majkëlli la spitalin universitar të Grenoble për të vijuar fazën e gjatë të rehabilitimit. Nuk është më në koma. Familja e tij dëshiron të falënderojë publikisht mjekët, infermierët, fizioterapistët e Grenoble dhe të gjithë ata që ndihmuan Majkëllin menjëherë pas aksidentit. Në këto muaj është bërë një punë e shkëlqyer”. Shtatë herë Kampioni i Botës në Formula 1 merr frymë vetë dhe hap sytë e flet me bashkëshorten e tij, Korinën dhe fëmijët. Pasi falënderoi edhe ata që shprehën në këtë muaj solidaritetin e tyre me kampionin gjerman, familja e Shumaker dëshiroi të theksonte se rehabilitimi i ish-pilotit do të vijojë larg vëmendjes mediatike. Shumi ndodhej i shtruar në Grenoble që nga 29 dhjetori, kur pas një aksidenti me ski në Meribel u fut në koma klinike pas një traume në kokë që i shkaktoi dëmtime cerebrale. Gjithsesi, sipas mediave gjermane, rehabilitimi i tij i plotë mund të zgjasë disa vjet.
“Pancerat” shkatërruan 4-0 Portugalinë. Tregolësh i Mylerit
Merkel bekon triumfin gjerman
Gjermania shkatërroi 4-0 Portugalinë e Krisitano Ronaldos. Heroi absolut i triumfit gjerman ishte mesfushori i Bajernit të Munihut, Tomas Myler, autor i një triplete të mrekullueshme, duke marrë njëherësh edhe kryesimin e goleadorëve. Portugalia luajti nga minuta e 37-të me dhjetë lojtarë pas ndëryrjeve brutale të Pepes në dëm të Mylerit. Joao Pereira shkaktoi një penallti në minutën e 11-të pas një kontakit me Goetcen, të shndërruar në gol nga Tomas Myler. Në minutën e 32-të, Mat Humels me një goditje të saktë me kokë çon në këmbë dhe Angela Merkel, që feston golin e dytë të kombëtares së saj. Myler shënoi sërish në 45’+1. Me rezultatin 3-0 në pushim Gjermania mund të bëjë gjithçka në pjesën e dytë madje dhe t’i lejoj vetes luksin për të humbur dy mundësi të mira me Myller e Goetze respektivisht në minutat 51 dhe 70. Në të 73’, Gjermania për herë të parë hedh në Botëror dhe një shqiptar Shkodran Mustafin, që duket se është i përkëdheluri i fatit, pasi u grumbullua në Botëror pas dëmtimit të Reus dhe debutoi pas dëmtimit të Humels. Festivali i golave për Gjermaninë megjithatë nuk ka përfunduar, pasi në të 78-të, Rui Patricios i fal dhe golin e tretë Thomas Mylerit, që prek kuotën e tetë realizimeve në Botëror. Mbyllet gjithçka me fitoren 4-0 të Gjermanisë!
Debuton Shkodrani
Mbrojtësi Shkodran Mustafi debutoi me Gjermaninë në Kampionatin Botëror, në fitoren e thellë 4-0 ndaj Portugalisë. Ai zëvendësoi Mat Humelsin në minutën e 73-të. Kosovari u bë shqiptari i gjashtë që ka luajtur në “Brazil 2014” pas Shaqirit, Behramit, Xhakës, Mehmedit (të katër me Zvicrën) dhe Kones (me Greqinë).
