“Sot (dje), Gjykata vendosi për hetim në gjendje të lirë ndaj meje, sepse nuk kishte fakte të mjaftueshme për mua. Një vendim që ka ardhur ngaqë u konstatua se unë personalisht nuk kam asnjë firmë të hedhur në asnjë dokument për të cilin jam akuzuar, dhe po ashtu, edhe certifikata e pronësisë nuk është tërhequr nga institucionet përkatëse. Po vërtetohet ajo që kam thënë prej fillimit se unë jam i pafajshëm në gjithë këtë histori. Sot (dje) erdha sa për të takuar drejtuesit dhe shokët e ekipit, dhe nesër (sot) do të jem në dispozicion të stafit teknik”, kështu është shprehur dje mbrojtësi Malota, pas problemeve me drejtësinë, ku ai u përfshi në skandalin e tjetërsimit të pronave në Shëngjin.
