Zinedin Zidan në një konferencë të jashtëzakonshme të mbajtur sot në mesditë lajmëroi largimin nga Real Madrid, duke befasuar jo vetëm tifozët e Real Madrid por edhe shumë futbolldashës në botë.
I pari nga futbollistët e Real Madrid që ka reaguar për largimin e Zizus është kapiteni Sergio Ramos, me anë të një statusi në rrjetet sociale. Në ‘instagram’ 32-vjeçari ka shkruar:
“Si lojtar, e tani si trajner vendose të largohesh kur je në majën më të lartë. Faleminderit për dy vjet e gjysmë të futbollit, punës, dashurisë dhe miqësisë. Ju largoheni, por trashëgimia juaj tashmë është e pashlyeshme. Një nga kapitujt më të suksesshëm në historinë e Real Madrid”, shkruan Sergio Ramos.
