Largimi i Cristiano Ronaldos nga Reali i Madridit, mund të konkretizohet në ditët e ardhshme, megjithatë vendimi i portugezit është cilësuar si i nxituar nga një tjëtër madrilen dhe njëkohësisht bashkëkombas i Ronaldos.
Në një intervistë për “Laureus” ish-sulmuesi i Portugalisë dhe i skuadrës “Galaktike” Luis Figo mendon se Ronaldo duhet ta mendoj dhe njëherë këtë pistë dhe të pensionohet në “Santiago Bernabeu”.
“Shumë herë, ajo që ju doni apo çfarë do të jeni nuk varet vetëm për ju por për faktorë të tjerë që aq shumë nuk e kuptojnë, Por Ronaldo është në klubin më të mirë në botë dhe unë mendoj se ai duhet të përfundojë karrierën e tij këtu. Logjikisht për të, tregoi se ajo që ai ka fituar dhe ka bërë në Madrid nuk do të ndodhte kudo. Madridi i ka dhënë gjithashtu shumë përsa i përket prestigjit dhe kjo gjithashtu e ka ndihmuar atë të fitojë individualisht.”-tha fillimisht luzitani.
Figo gjithashtu foli dhe për vendimin e marrë nga Zinedine Zidane që dha dorëheqjen nga klubi spanjoll.
“Zidane është një mik dhe çdo gjë që ai bën është mirë për mua. Pas të gjitha gjërave që ai ka arritur gjatë këtyre viteve të fundit, ai ka qenë i shqetësuar nga vendimi i tij për t’u larguar muajin e kaluar. ka arritur ndoshta një tavan. Të bësh më mirë se ai tashmë është e pamundur. Vendimi i tij ishte një surprizë për të gjithë ne, por ai e di pse dhe kjo është një që duhet të respektohet”.-përfundoi Figo.
Figo luajti për 5 sezone tek madrilenët, duke zhvilluar 164 ndeshje dhe shënuar 38 gola. Tek Reali i Madridit, Figo arriti dhe kulmin e tij futbollistik, ku në vitin 2000 arriti të bëj të vetin dhe “Topin e Artë”.
