Mançester Junaitid mposht 2-1 Juventusin në Torino për Ligën e Kampionëve, duke marrë kështu revanshin pas humbjes 0-1 në “Old Traford”.
Humbja e parë për kampionët e Italisë, edhe pse shënuan të parët.
Në minutën e 65-të, erdhi edhe goli i Juventusit, ku pas një pasimi të Bonuçi, Ronaldo arriti të lirohej bukur Lindelofit, dhe me një gjuajtje në formë “volej”, mposhti portierin De Gea. Goli i parë i Ronaldos në Ligën e Kampionëve me fanelën e Juventusit.
Në të 86’, një kryevepër e Matës nga goditja e lirë barazoi shifrat në 1-1.
Tri minuta më pas, erdhi edhe autogoli i Aleks Sandros. Goditje dënimi nga ana e Jang, që gjen Fellainin, por gjatë ndëhyrjes së Szecesnit, topi bën karambol në fytyrën e Aleks Sandros dhe përfundoi në rrjetë.
1-2 për Mançester Junaitid. Juventus kryeson grupin me 9 pikë, Mançester e ndjek me dy pikë më pak, 7.
Në ndeshjet e tjera, Reali i Madridit fitoi 5-0 me Viktoria Plzen në Çeki; Mançester Siti 6-0 me ukrainasit e Shahktar Dontesk.
REZULTATET E NDESHJEVE
