Faqja zyrtare e UEFA-s ka publikuar nga një portret pesë ekipeve të grupit tonë eliminator
Faqja zyrtare e UEFA-s u kushtoi një speciale në formë “guide” grupeve të dala nga hedhja e shortit të Kampionatit Europian. Një e tillë ishte dhe grupin I, ku marrin pjesë Portugalia, Danimarka, Serbia, Armenia dhe Shqipëria.
PORTUGALIA
Portugalia ka debutuar në finalet e një Kampionati Europian në vitin 1984, të organizuar në Francë. Ajo u kualifikua edhe në vitin 1996 dhe është një nga shtatë vendet që kanë marrë pjesë në pesë Europianët e fundit. Ia ka dalë të kualifikohet në fazën e grupeve të finaleve, duke humbur në gjysmëfinale me fituesit: Francën në 1984 dhe 2000, si dhe me Spanjën në vitin 2012. Portugalia rezultatin më të mirë të saj e ka në Euro 2004, të organizuar në vendin e saj, kur humbi 1-0 në finalen e Lisbonës kundër Greqisë.
DANIMARKA
Danimarka është shumë krenare për arritjet e saj në Kampionatet Europiane. Qysh kur u kualifikua në finalet e vitit 1984 në “kurriz” të Anglisë, ajo ka marrë pjesë në çdo turne (me përjashtim të vitit 2008), teksa e kanë ngritur trofeun “Henri Delaunay”, kur ai u zhvillua në Suedi në vitin 1992. Në fakt, ekipi dështoi të kualifikohej, por ai mori vendin e Jugosllavisë, që në atë kohë u shpërbë dhe u përfshi nga lufta.
SERBIA
Serbia ka dështuar të krijojë impakt në Europianë, si një vend i pavarur, por ajo ka një traditë të pasur si pjesë e Jugosllavisë, duke fituar ndeshjen e parë të finaleve në vitin 1960, 5-4 kundër Francës organizatore, dhe humbur 2-1 në kohën shtesë në finalen inauguruese të turneut kundër Bashkimit Sovjetik. Tetë vjet më pas, Jugosllovia ishte vetëm dhjetë minuta larg lavdisë, kur Italia barazoi në ndeshjen e parë, teksa italianët fituan 2-0 ndeshjen e dytë në vitin 1968.
ARMENIA
Edhe pse Armenia përfundoi në vendin e fundit të grupit të saj ën Euro 1996, debutimi i saj ishte i respektuar, pasi skuadra arriti fitoren e parë në kompeticion, një 2-1 ndaj Maqedonisë. Fushata më e mirë kualifikuese e saj është ajo në Euro 2012, kur doli e treta në grupin B.
SHQIPËRIA
Shqipëria e ka arritur sukseset e saj të para në Kampionatin Europian kundër Danimarkës, në ndeshjen e vlefshme për turin e 1/16-ve të edicionit 1964, duke fituar 1-0 në Tiranë – teksa kishte humbur tashmë 4-0 jashtë fushe – si dhe katër vjet më vonë barazoi 0-0 me Gjermaninë Perëndimore duke i mohuar kësaj të fundit një vend në finale në të vetmin rast.
KALENDARI I PLOTË
7 shtator 2014
18:00 Danimarkë-Armeni
20:45 Portugali-Shqipëri
11 tetor 2014
18:00 Armeni-Serbi
20:45 Shqipëri-Danimarkë
14 tetor 2014
20:45 Danimarkë-Portugali
20:45 Serbi-Shqipëri
14 nëntor 2014
20:45 Portugali-Armeni
20:45 Serbi-Danimarkë
29 mars 2015
18:00 Shqipëri-Armeni
20:45 Portugali-Serbi
13 qershor 2015
18:00 Armeni-Portugali
20:45 Danimarkë-Serbi
4 shtator 2015
20:45 Danimarkë-Shqipëri
20:45 Serbi-Armeni
7 shtator 2015
18:00 Armeni-Danimarkë
20:45 Shqipëri-Portugali
8 tetor 2015
20:45 Shqipëri–Serbi
20:45 Portugali–Danimarkë
11 tetor 2015
18:00 Armeni–Shqipëri
18:00 Serbi–Portugali
Valdet Rama: “Do ta mposhtim Serbinë”
Anësori dhe ylli i kombëtares shqiptare. Valdet Rama, ka deklaruar ekskluzivisht për Telegrafin pas tërheqjes së shortit për Euro 2016 se Shqipëria do të synojë vetëm fitoren ndaj
Serbisë dhe të gjithë kundërshtarëve tjerë në grup. Dueli ndaj serbëve nuk pritet të ketë vetëm karakter sportiv dhe duke parë entuziazmin për këtë grup, është një prej futbollistëve më të mirë shqiptar, Valdet Rama: “Është grup i vështirë, por do të jetë kënaqësi e madhe nëse do ta kalojmë. Do të jetë e pabesueshme nëse kualifikohemi, por nuk është e pamundur. Unë besoj se me skuadra më të forta luajmë më mirë. Më pëlqen ky grup. Në secilën ndeshje do të hyjmë për fitore, e sidomos me Serbinë. Ndeshjet fillojnë me rezultat 0-0 dhe ne nuk do të jemi favoritë e kjo mund të na ndihmojë shumë, pasi që kemi kualitet të madh në skuadër. Unë besoj në këtë ekip dhe në trajnerin tonë”, përfundoi Valdeti intervistën e tij për Telegrafin. Valdet Rama momentalisht po kalon në për formë të mirë. Ishte ai që asistoi në golin e barazimit të ekipit të tij në La Liga, Valladolidit, në sfidën ndaj Levantes.
Bilanci me kundërshtarët
Ekipi N F B H
Portugalia 5 0 1 4
Danimarka 8 1 1 6
Jugosllavia* 5 0 1 4
Armenia 3 1 1 1
* Serbia
RENDITJET
NË FIFA
4 Portugalia 1219
20 Danimarka 907
29 Serbia 775
30 Armenia 771
55 Shqipëria 571
NE UEFA
2 Portugalia 1219
14 Danimarka 907
18 Serbia 775
19 Armenia 771
30 Shqipëria 571
Miqësore luksi me Francën
Pavarësisht se, Shqipëria nuk ra në një grup me më të fortët e kontinentit, të tillë si: Gjermania, Spanja, Italia apo Anglia, Kombëtarja jonë – e shortuar në grupin I – ka fatin të luajë dy ndeshje miqësore të garantuara me Francën, njërin prej tyre në vendin tonë. Kjo, pasi vendi organizator i finaleve i “Euro 2016” ndodhet “virtualisht” në grupin tonë. Ndeshjet nuk kanë efekt pikësh. Kështu, sipas idesë së “Javës së futbollit”, Franca do të luajë miqësore edhe me Portugalinë, Danimarkën, Serbinë dhe Armeninë, skuadrat e tjera të grupit I.
SHQIPËRIA NË EUROPIANË
Francë 1960 Nuk mori pjesë
Spanjë 1964 Nuk u kualifikua
Itali 1968 Nuk u kualifikua
Belgjikë 1972 Nuk mori pjesë
Jugosllavi 1976 Nuk mori pjesë
Itali 1980 Nuk mori pjesë
Francë 1984 Nuk u kualifikua
Gjermani P. 1988 Nuk u kualifikua
Suedi 1992 Nuk u kualifikua
Angli 1996 Nuk u kualifikua
Belgjikë/Holandë 2000 Nuk u kualifikua
Portugali 2004 Nuk u kualifikua
Austri/Zvicër 2008 Nuk u kualifikua
Poloni/Ukrainë 2012 Nuk u kualifikua
France 2016 (Sapo u hodh shorti)
Panorama e plotë pas hedhjes së shortit të Kampionatit Europian
Sfida interesante
Shorti i eliminatoreve të “Euro 2016”, i hedhur dje në Nisë të Francës, propozoi grupe dhe duele interesante brenda tyre. Të pranishëm ishin drejtuesit më të lartë të UEFA-s, Presidenti Mishel Platini, si dhe të gjithë presidentët e federatave anëtare të organizmit më të lartë të futbollit europian. Në këtë turne marrin pjesë plot 53 ekipe kombëtare, që do të ndahen në nëntë grupe të ndryshme, ndërsa vlen të theksohet se në fazën finale kualifikohen 24 ekipe, ndryshe nga sa ka ndodhur në edicionet e tjera, kur janë kualifikuar 16 ekipe.
GRUPI A
Holanda, kampione e Europës në vitin 1988, njëherësh edhe koka e grupit A, do të përballet me Turqinë, të cilën e kishte dhe në edicionin e fundit, ndërsa në grup është edhe Letonia dhe Kazakistani, por edhe rivalja e kombëtares sonë, Islanda dhe Republika Çeke, grup relativisht i lehtë për tulipanët që mund të “frikësohen” paksa nga ekipi turk.
GRUPI B
Gara është për vendin e parë është e hapur, por duket se dy vendet e para janë të “prenotuara”, teksa Bosnja dhe Belgjika kanë një nivel shumë më të lartë se ekipet e tjera të grupit, ndërsa duket se vendi i tretë do synohet nga Uellsi, Izraeli dhe Qiproja, ndërsa si gjithmonë për të mbushur grupin edhe Andorra “aventuriere”.
GRUPI C
Spanja, tri herë kampione e Europës (1964, 2008, 2012), do të ketë një detyre relativisht të lehtë, teksa kundërshtari më i fortë është Ukraina, dhe pas saj Sllovakia. Spanjollët gjejnë në grup sërish Bjellorusinë, ndërsa dy ekipet që plotësojnë grupin C janë Maqedonia dhe Luksemburgu.
GRUPI D
Një grup i thjeshtë edhe për Gjermaninë (kampione në vitet 1972, 1980, 1996) që, do të luajë me Gjibraltarin debutues, ndërsa në grup do të gjejë sërish Irlandën, të cilën e kishte në grup në eliminatoret e Botërorit. Nga ishujt britanikë shtohet dhe Skocia, ndërsa grupin e mbyll Polonia dhe Gjeorgjia.
GRUPI E
Me Anglinë si kokë grupi do të përballet Zvicra, Lituania, Sllovenia, Estonia, që ishte përballë Anglisë dhe në edicionin e kaluar, ndërsa plotësohet dëshira e trajnerit të San Marino-s që do të udhëtojë në “Uembli” në Shtator.
GRUPI F
Short i favorshëm për Greqinë (kampione në vitin 2004), që do të luftojë për vendin e parë ndaj Rumanisë, ndërsa në grup janë dhe Hungaria, Irlanda e Veriut, Finlanda dhe modestët e Ishujve Faroe.
GRUPI G
Një grup konkurrues. Rusia (kampione në vitin 1960)përballet me Suedinë, ndërsa për t’u ndjekur do jenë dhe duelet mes Austrisë dhe Malit të Zi, ndërkohë që Moldavia dhe Lihtenshtajni do të kërkojnë të bëjnë garën e tyre.
GRUPI H
Në fund, detyrë shumë e vështirë për Italinë (kampione në vitin 1968), që ka në grup ekipet më të forta nga çdo vazo. “Axurrët” do të përballen me Bullgarinë, me të cilin u përballën vitin e kaluar, ndërsa u shtohet edhe Norvegjia dhe Kroacia, dy kombëtare të forta, ndërsa mbyllin grupin “fqinjët” e Maltës dhe Azerbajxhani .
Shorti i “Francë 2016”
Grupi A
Holanda
Çekia
Turqia
Letonia
Islanda
Kazakistani
Grupi B
Bosnja e Hercegovina
Belgjika
Izraeli
Uellsi
Qipro
Andorra
Grupi C
Spanja
Ukraina
Sllovakia
Bjellorusia
Maqedonia
Luksemburgu
Grupi D
Gjermania
Irlanda
Polonia
Skocia
Gjeorgjia
Gjibraltari
Grupi E
Anglia
Zvicra
Sllovenia
Estonia
Lituania
San Marino
Grupi F
Greqia
Hungaria
Romania
Finlanda
Irlanda Veriore
Islanda
Grupi G
Rusia
Suedia
Austria
Mali i Zi
Moldavia
Lihtenshtejni
Grupi H
Italia
Kroacia
Norvegjia
Bullgaria
Azerbajxhani
Malta
Grupi I
Portugalia
Danimarka
Serbia
Armenia
Shqipëria
*Franca
Ekipet e Grupit I do të luajnë nga dy ndeshje me Francën, në formë miqësore, pa vlerë pikësh. UEFA ka vendosur t’ia garantojë vendit nikoqir miqësore me ekipet e grupit të fundit.
Java e futbollit
Ndeshjet kualifikuese do të zhvillohen në një format të ri, të quajtur “Java e futbollit”. Një javë e tërë do të jetë e rezervuar për futbollin e kombëtareve, të cilat do të shpërndahen proporcionalisht me të drejtat televizive në secilën ditë nga një ndeshje. Reformat e UEFA-s besohet se janë bërë për të reduktuar numrin e ndeshjeve të kombëtareve gjatë sezonit, në mënyrë që klubet të fokusohen më shumë në aktivitetet e tyre në garat tjera dhe lojtarët të jenë më të pushuar. Mbetet të shihet si do të funksionojë ky sistem, që përpiqet të revolucionarizojë futbollin.
Kush kualifikohet
Skuadrat janë shpërndarë në nëntë grupe, tetë prej tyre (A-H) janë me nga tetë skuadra, ndërsa i nënti (I) është me pesë skuadra (në këtë grup bën pjesë dhe vendi ynë). Në grupin me 5 ekipe do të vendoset Franca, takimet e së cilës me kundërshtarët e tjera të grupit do të konsiderohen thjesht sfida miqësore. Në fund të eliminatoreve, dy të parat e çdo grupi, si dhe e treta më e mirë, do të kualifikohen direkt në Europian, ndërsa të tretat e çdo grupi do të luajnë “play-off” për të përcaktuar katër skuadrat e fundit, që do të marrin pjesën në finalet e Europianit.