Pamje të turpshme ato që vijnë nga Athina, në ndeshjen e të rinjve mes Olimpiakosit dhe Bajernit të Mynihut.
Në stadiumin “Peristeri”, në minutën e 84-t të ndeshjes që po luanin ekipet U-19, ndodhi diçka e paimagjinueshme.
Huliganët e Olimpiakosit pushtuan fushën me shkopinj dhe materiale të forta nëpër duar, dhe shkuan për të sulmuar tifozët e Bajernit, edhe me flakadanë.
Për disa minuta, ndeshja dhe gjithçka ngriu aty, ndërkohë që lojtarët dolën nga fushë.
Pamjet që shfaqin mediat greke, tregojnë tifozë të gjakosur pas sherrit.
Ndërkohë, e menjëhershme ishte falja që klubi i Olimpiakosit i kërkoi tifozëve të Bajernit, ndërkohë që UEFA pritet të ndëshkojë ashpër klubin grek për këto trazira.
