Ekipi turk i futbollit, Fenerbahçe nuk kaloi një fluturim të qetë për në Britaninë e Madhe për ndeshjen me Manchester United, e vlefshme për fazën e grupeve të UEFA Europa League.
Avioni që transportonte ekipin ”verdhekaltër” të Fenerbahçes bëri ulje të detyruar në aeroportin e Budapestit për shkak se në xhamin e kabinës së pilotit u përplas një zog.
Në deklaratën e klubit të Fenerbahçes thuhet se në avion ishin presidenti i klubit Aziz Yildirim, drejtuesit dhe futbollistët, kur në pjesën e jashtme të xhamit të kabinës së pilotit u përplas një zog.
Për shkaqe të sigurisë avioni u detyrua të bëjë ulje emergjente në aeroportin e Budapestit në Hungari.
Ndër të tjera theksohet se tek ekipi nuk ka ansjë situatë shqetësuese dhe se një avion tjetër është nisur nga Turqia për të dërguar ekipin në Manchester.