Tirana ka aplikuar disa skema taktike në stërvitjen e këtyre ditëve, të cilat mund të vihen në zbatim edhe sot në “Zeqir Ymeri”. Kapiteni bardheblu, Erando Karabeci, nuk kërkon justifikime, kualifikimi nuk është i pamundur. “Shkojmë në Kukës për të fituar, për të bërë lojën tonë. Ndeshjet nuk i ngjajnë njëra-tjetrës, por ne jemi të përgatitur për të sulmuar. E dimë që do të jetë e vështirë, ndërsa asgjë nuk është e pamundur për ne”.
