SUPERLIGA/ Sot me Besa-Kastrioti. Të dielën, superndeshjet Tirana-Skënderbeu dhe Teuta-Kukësi
Me ndeshjen e sotme, Besa-Kastrioti, nis edhe java e 21-të e Kategorisë Superiore, ndërkohë që gjashtë takimet e tjera do të luhen ditën e diel, ku spikasin Tirana-Skënderbeu dhe Teuta-Kukësi. Flamurtari ka sërish shansin për të kapur vendin e dytë, kjo e shoqëruar me suksesin e vlonjatëve kundër Luftëtarit e kombinuar me suksesin e kuksianëve ndaj durrsakëve.
Flamurtari hodhi një hap fals javën e kaluar kur barazoi 0-0 me Besën, duke lënë dy pikë tepër të çmuara në shtëpi, çka dhe i mohoi vendin e dytë, pasi dhe Teuta barazoi në Korçë me Skënderbeun. Tirana beson se, pas fitores 3-0 me Kastriotin në Krujë e ka rigjetur optimizmin, pikërisht përpara një prej ndeshjeve më të rëndësishme të saj, atë me Skënderbeun, që në një farë mënyre do të vendosë edhe për fatin e bardhebluve në Europë. Në stol do të jetë trajneri Nevil Dede, i cili pohoi se skaudra do të japë 200 për qind kundër Skënderbeut. Kur kanë mbetur edhe gjashtë javësh nga përfundimi i kampionatit dhe janë 18 pikë në lojë, Skënderbeu është shumë pranë titullit të tretë rresht kampion, pas atyre në sezonet 2010-2011 (me trajner Shpëtim Duron), 2011-2012 (me trajner çekun Stanislav Levi). Skuadra korçare ka një avantazh prej +11 pikësh ndaj durrsakëve. Kjo diferencë e bën ekipin e Mirel Josës të sigurt në fitimin e titullit dhe pjesëmarrjen për të tretin vit rresht në Ligën e Kampioneve, por “ujqërit e dëborës” dëshirojnë të prezantohen sa më mirë në të vetme ndeshje të tyre të luajtur në kryeqytet. Pjesa më e interesante e kampionatit është ajo që ka të bëjë me ekipet që do të luajnë në Ligën e Europës. Teuta, Flamurtari, Kukësi, Tirana dhe Vllaznia synojnë pjesëmarrjen në Ligën e Europës. Kuqezinjtë vlonjatë nëse kishin ndopak shpresa për ti dhënë jetë garës për titull, tani hedhin sytë tek vendi i dytë dhe pjesëmarrja në Europë. Një objektiv i ndërlikuar duke parë që java ka folur pikërisht për ndjekëset, pasi Kukësi, Tirana dhe Vllaznia kanë marrë pikët e plota, duke u rikthyer fuqishëm në garën për Europa Ligë. Fitorja e Kukësit ishte domethënëse pasi vulosi fatin e Shkumbinit që pas gati dy dekadash duhet të lërë elitën e futbollit shqiptar. Edhe pse matematika lë gjithçka të hapur, tashmë Apolonia, Tomori, Shkumbini dhe Luftëtari duken të destinuar për të luajtur në kategorinë e parë sezonin e ardhshëm. Lajm përbën fitorja e Tiranës, pasi në një nga periudhat më të këqija të saj gjen suksesin me djemtë e ri në fushën e lojës, ku evidentohet debutuesi caka në portën e bardhebluve. Tashmë me kreun thuajse të blinduar nga Skënderbeu dhe me katërshen e fundit që njeh fatin e vet, kampionati shqiptar do të fokusohet vetëm tek zona evropiane, ku Teuta, Flamurtari, Kukësi, Vllaznia dhe Tirana do të konkurrojnë për dy vende që të çojnë në Ligën e Europës.
Kategoria Superiore
Java 21
Sot, 06.04.2013
Besa-Kastrioti 14:00
Nesër, 07.04.2013
Flamurtari-Luftëtari 14:00
Shkumbini-Vllaznia 14:00
Tomori-Apolonia 14:00
Laci-Bylis 14:00
Tirana-Skënderbeu 17:00
Teuta-Kukësi 17:00
RENDITJA
1 Skënderbeu 20 49
2 Teuta 20 38
3 Flamurtari 20 36
4 Kukësi 20 36
5 Tirana 20 32
6 Vllaznia 20 32
7 Laçi 20 28
8 Kastrioti 20 28
9 Bylis 20 26
10 Besa 20 24
11 Luftëtari 20 18
12 Shkumbini 20 16
13 Tomori 20 9
14 Apolonia 20 9
Kategoria e Parë
Java 24
Sot, 06.04.2013
Besëlidhja-Tërbuni 16:00
Elbasani-Burreli 16:00
Butrinti-Dinamo 16:00
Ada-Iliria 16:00
Lushnja-Pogradeci 16:00
Kamza-Gramshi 16:00
Naftëtari-Himara 16:00
Të hënën, 08.04.2013
Partizani-Mamurrasi
RENDITJA
1 Lushnja 23 56
2 Partizani 23 44
3 Pogradeci 23 39
4 Mamurrasi 23 39
5 Tërbuni 23 36
6 Iliria 23 32
7 Burreli 23 30
8 Gramshi 23 30
9 Himara 23 29
10 Dinamo 23 28
11 Butrinti 23 28
12 Elbasani 23 25
13 Kamza 23 25
14 Ada 23 24
15 Besëlidhja 23 22
16 Naftëtari 23 17
Kategoria e Dytë
Java 15
Grupi A
Korabi-Vora 16:00
Domosdova-Sukthi 16:00
Turbina-Luzi 2008 16:00
Olimpik-Egnatia 16:00
Erzeni-Veleçiku 16:00
1 Veleçiku 14 33
2 Olimpiku 14 29
3 Vora 14 25
4 Sukthi 14 22
5 Luzi 2008 14 20
6 Korabi 14 19
7 Turbina 14 17
8 Domosdova 14 16
9 Erzeni 14 11
10 Egnatia 14 4
Grupi B
Delvina-Memaliaj 16:00
Sopoti-Këlcyra 16:00
Albpetrol-Gramozi 16:00
Tepelena-B.Sport 16:00
Përmeti-Skrapari 16:00