Dorëzohet “UEFA” para presionit, ja kur do të përdoret “VAR” në Kupat e Europës

59

Presidenti i UEFA-s, Aleksander Ceferin, duket se është dorëzuar para presionit për të përdorur teknologjivë “VAR” në kompeticionet europiane.

Numri 1 i qeverisë europiane të futbollit fillimisht ka hedhur poshtë përdorimin për sezonin e ri, por ka shtuar se nga 2019-2020 VAR të përdoret në të gjitha ndeshjet e Kupave të Europës.

“Plani ynë është që jo në këtë sezon, por në sezonin 2019/2020 VAR të përdoret në të gjitha ndeshjet e Kupave të Europës. Do ta eksperimentojmë për herë të parë në Superkupën e Europës, që do të zhvillohet më 19 gusht 2019 në Stamboll. Kjo është i sigurt,” – tha slloveni që drejton qeverinë e futbollit europian.