Trajneri i Kombëtares: “Jam në tratativa me FSHF-në për zgjatjen e kontratës, mungojnë vetëm detajet”
Xhani De Biazi i pëket racës së optimistëve, të cilët kërkojnë ta shohin gjithmonë në këndvështrimin pozitiv gjysmën e gotës. Trajnerit të Kombëtares shqiptare nuk i mungoi buzëqeshja, katër ditë para sfidës së rëndësishme me Zvicrën, një tjetër provë force për italianin dhe skuadrën kuqezi. Tekniku kërkon të hedhë pas dy humbjet e fundit me Slloveninë (1-0) dhe Islandën (2-1), duke shpresuar për një rezultat pozitiv me helvetikët që do të mbërrijnë në “Qemal Stafa” me gjashtë lojtarë me origjinë shqiptare: Valon Behrami, Xherdan Shaqiri, Granit Xhaka, Blerim Xhemaili, Admir Mehmeti si dhe Pajtim Kasami, i thirrur për herë të parë me Kombëtaren e Zvicrës.
RINISJA
“Rinisemi pas dy ndeshjeve fatkeqe. Kemi ndërtuar grupin dhe ky ka qenë objektivi ynë. Për sa kohe ka jetë ka dhe shpresë.”, – tha trajneri italian. Shqipëria ka grumbulluar 10 pikë nga tetë ndeshjet e zhvilluara, ndërsa renditet në vendin e parafundit, me tri pikë më pas vendi i dytë dhe gjashtë më shumë se Qiproja, ekipi që mbyll tabelën e grupit E, me të cilën do të mbyllim edhe këtë fushatë eliminatore. “Do t’i luajmë dy takimet e fundit me vendosmëri dhe tërbim, që na munguan me Islandën”. Në Reikjavik, Shqipëria shënoi e para me anë të Valdet Ramës, ndërkohë që pësoi dy gola krejtësisht të shmangshëm dhe që erdhën pas gabimeve fatale të mbrojtjës, kryesisht të Telit dhe Dallkut.
RINOVIMI
Kontrata aktuale e De Biazit përfundon pas ndeshjeve me Zvicrën e Qipron, më 11 e 15 tetor për eliminatoret e kampionatit botëror. Kontrata e re do të jetë deri në vitin 2015, pra me mbarimin e fushatës kualifikuese të Euro 2016, finalet e të cilit do të luhen në Francë me pjesëmarrjen jo të 16, por 24 skuadrave (për herë të parë një numër i tillë).“Jam ne tratativa me FSHF për zgjatjen e kontratës, mungojnë vetëm disa detaje. Mund të them që jemi në rrugën e duhur, dëshira e të gjitha palëve është që të vazhdojmë së bashku. Vullneti im është që të vazhdoj këtë aventurë”. se nuk kishte asnjë dilemë lidhur me të ardhmen dhe se tani pritet vetëm formaliteti i firmosjes në prani të presidentit të Federatës, Armand Duka.
RISITË
Në listën e lojtarëve të thirrur për dy ndeshjet, ato me Zvicrën dhe Qipron, është thirrur për herë të parë edhe mbrojtësi i Helsingborgut në Suedi, Loret Sadiku, por për kosovarin duhet të pritet konfirmimi i lejes nga FIFA-s, me të njëjtën procedurë që u zbatuar për Migjen Bashën, Amir Abrashin, Agon Mehmetin. “Sadiku? Nuk është ende i disponueshëm sepse duhet të vijë leja nga FIFA”, – tha Xhani De Biazi.
JANUZAJ
Lojtari i ditës në Angli është kosovari Adnan Januzaj, i vlerësuar si ylli i ri i Mançester Junaitid. Mesfushori 18-vjeçar realizoi dy gola në fitoren 2-1 të “Djajve të kuq” ndaj Sanderlendit, duke fituar elozhet nga të gjithë ekspertët e futbollit britanik dhe tërhequr edhe vëmendjen e trajnerit të “tre luanëve”, Roj Hodxhson. “Januzaj nuk e ka të lehtë të vendosë pasi është në mes Belgjika e Anglia, këtu hyjnë në lojë dhe menaxherët. Do të bëjmë maksimumin për të marrr Adnanin”, – tha De Biazi.
RENDITJA NË FIFA
Shqipëria e 45-ta, Zvicra e 14-ta
Kombëtarja Shqiptare ndodhet në vendin e 45-të me 652 pikë në renditjen aktuale të FIFA-s (muaji shtator). Zvicra pozicionohet e 14-ta, pra 29 vende më mirë se kuqezinjtë. Ekipet e tjera të grupit tonë (E) renditen në këto pozicione: Sllovenia (29), Norvegjia (39), Islanda (54) dhe Qipro (134).
Eliminatoret “Botërori 2014”
Grupi E
Ndeshjet e mbetura
11 tetor
Islandë-Qipro
Shqipëri-Zvicër
Slloveni-Norvegji
15 tetor
Norvegji-Islandë
Qipro-Shqipëri
Zvicër-Slloveni
RENDITJA
1 Zvicra 8 14-5 18
2 Islanda 8 14-14 13
3 Sllovenia 8 11-10 12
4 Norvegjia 8 9-9 11
5 Shqipëria 8 8-9 10
6 Qipro 8 4-13 4
Ndeshjet e Shqipërisë
Shqipëri-Qipro 3-1
Zvicër-Shqipëri 2-0
Shqipëri-Islandë 1-2
Shqipëri-Slloveni 1-0
Norvegji-Shqipëri 0-1
Shqipëri-Norvegji 1-1
Norvegji-Qipro 2-0
Zvicër-Islandë 4-4
Slloveni-Shqipëri 1-0
Norvegji-Zvicër 0-2
Qipro-Slloveni 0-2
Islandë-Shqipëri 2-1
Shqipëri-Zvicër 11.10
Qipro-Shqipëri 15.10
Vetëm mbrojtësit me minuta në këmbë. Sulmi është në krizë, mesfusha më shumë në bankinë
Kombëtare me “pikatore”
Forma e kuqezinjve, vetëm mbrojtësit me minuta në këmbë
Kombëtarja shqiptare do të luajë më 11 dhe 15 tetor dy sfidat e fundit të eliminatoreve të Botërorit 2014 dhe është shumë e rëndësishme që kuqezinjtë të shfaqen në formë maksimalë ndaj Zvicrës në “Qemal Stafa” dhe Qipros në transfertë për të marr pse jo maksimumin e pikëve. Po si vijnë të besuarit e De Biazit në prag të takimit me helvetët?
PORTA
Pas Samir Ujkanit që është zgjedhje e dytë te Palermo, edhe Etrit Berisha e ka humbur vendin e titullarit me transferimin e tij në Serinë A te Lacio. Është e vështirë të besosh se 25-vjecari do të mund të ulë në stol Marketin. Asnjë minutë për Berishën te Lacio dhe Ujkanin te Palermo. Në grupin e portierëve është dhe Orges Shehi i Skënderbeut, por 35-vjeçari është më shumë për figurë.
MBROJTJA
Mbrojtja është reparti që I gjen lojtarët në formën më të mirë. Lorik Cana u aktivizua 90 minuta në barazimin 0-0 të Lacios me Fiorentinën, po kështu edhe Mërgim Mavraj u aktivizua në kohë të plotë në fitoren 4-0 të Grojther Fyrth ndaj Drezden. Pritshmëritë janë të mëdha për Loret Sadikun, prurjen më të re në kombëtare, që luajti gjatë gjithë ndeshjes Helsingborg–Halmstad 4-2. Lajme të mirë vijnë edhe nga Azerbajxhani, ku Ansi Agolli realizoi golin e parë të Karabagun në derbin e fituar 3-0 me Baku.
MESFUHA
lojtarët kuqezinj kanë nevojë për minuta në këmbët e tyre. Migjen Basha qëndroi gjatë gjithë kohës në stolin e Torinos në ndeshjen e fundjavës ndak Sampdorias, sikurse Odise nuk preku në fushën e blertë në Bundesligën 2 me Frankfurtin, që mposhti 3-1 Aue edhe falë një dygolëshi të Edmond Kapllanit, ndërsa Valdet Rama u aktivizua në pjesën e dytë në humbjen 4-1 të Valadolid në “Camp Nou” me Barcelonën. Fundjavë pozitive për Abrashin, që ishte titullar në radhët e Grasshopers në barazimin 1-1 në fushën e Tunit.
SULMI
Shqetësimi më i madh është për sulmuesit e kombëtares, ku në listën e De Biazit mungojnë Bogdani dhe Çani. Hamdi Salihi nuk ka luajtur në ndeshjen e fundit të JYangsu Sainti në kampionatin kinez, ndërsa Agon Mehmeti qëndroi 90 minuta në stol në humbjen 2-0 të Olahenses në fushën e Belehense. Edhe pse De Biazi ka përfshirë në listë një numër të madh futbollistësh, përveç mbrojtësve, lojtarët e tjerë përgjithësisht nuk janë protagonistë në skuadrat e tyre, çka rëndon edhe në rendimentin e tyre më kombëtaren.
LOJTARËT
Portierë
Etrit Berisha Lacio
Samir Ujkani Palermo
Orges Shehi Skënderbeu
Mbrojtës
Admir Teli Karabak
Lorik Cana Lacio
Andi Lila PAS Janina
Loret Sadiku Helsingborg
Renato Arapi Skënderbeu
Mërgim Mavrja Grojther Fyrth
Ermir Lenjani St.Galen
Armend Dallku Vorskla
Mesfushorë
Jurgen Gjasula Liteks
Ergys Kaçe PAOK
Odise Roshi FSV Frankfurt
Migjen Bssha Torino
Ansi Agolli Karabak
Jahmir Hyka Lucern
Ervin Bulku Sepahan
Valdet Rama Valadolid
Amir Abrashi Grasshopers
Sulmues
Bekim Balaj Jagiellonia
Shkëlzen Gashi Grasshopers
Hamdi Salihi Iangtsu
Agon Mehmeti Grasshopers
Në datën 12 vijnë
Tefik Osmani Teuta
Emiljan Vila PAS Janina
Sabien Lilaj Skënderbeu
Alban Meha Padeborn