Trajneri i Interit, Luciano Spalletti, e sheh duelin kundër Tottenham Hotspur si një pikë kthese, pasi sipas tij kjo është një nga ato ndeshje që nuk zëvendësohet për asgjë në jetë.
“Këto ndeshje vlejnë aq shumë sa i përket entuziazmit dhe bindjes”,-ka thënë fillimisht Spalletti në konferencën e tij për shtyp para ndeshjes.
“Mendoj se me periudhën që po kalojmë, kjo është 90 minutëshi që na nevojitej. Është një nga ato ndeshje dhe një nga ato gara që nuk do të ndërroheshit për asgjë. Kam qenë me fat dhe e kam përjetuar disa herë. Ka emocione të pabesueshme dhe nëse keni marrë pjesë nuk mund të bëni pa të. Liga e Kampioneve është parku zbavitës i futbollit, “Disneyland i futbollit”. Dekorimet, ngjyrat…
“Në të kaluarën kam qenë i përfshirë, kam hyrë në një botë që është veçanërisht e bukur dhe argëtuese. Mund të dëgjoni muzikën dhe në dhomat e zhveshjeve. Përpjekjet që kemi vënë në vitin e kaluar për të luajtur në këtë garë është një motivim që mund të kapërcejë çdo mungesë eksperience ose frikë për të dalë dhe për të luajtur. Mund të thuash se ka më shumë presion ndaj tyre, sepse ata kanë më shumë përvojë në këtë garë ose janë më të fortë, por ne jemi shumë të fortë. Ne nuk po kalojmë një periudhë të mirë, por, siç thashë, ky është lloji i lojës që mund t’i kthejë gjërat shpejt në drejtimin e duhur”,-përfundoi italiani
