Në ditën e përballjes me Zvicrën, Ambasada amerikane në vendin tonë i jep zemër kombëtares shqiptare të futbollit. “Suksese skuadrës kombëtare shqiptare të futbollit në ndeshjen e sotme kundër Zvicrës. Forca shqiponja!”, shkruan ambasada në faqen zyrtare në Facebook. Ndërkohë pak orë para ndeshjes mes Shqipërisë dhe Zvicrës, qyteti francez i Lens ku do të mbahet sfida, është mbushur me tifozë shqiptarë të mbërritur nga vende të ndryshme të Europës dhe natyrisht nga Shqipëria e Kosova. Kjo është hera e parë që Shqipëria luan në një Kampionat Europian futbolli dhe veçanërishtsfida me Zvicrën pritet me një interes të madh, për shkak të disa futbollistëve shqiptarë që luajnë me kombëtaren helvete.
