Cristiano Ronaldo nuk i ka aspak mirë punët. Ylli portugez akuzohet se ka paguar 375 mijë dollarë për t’i ‘mbyllur gojën’ një vajze 20 vjeçare pasi pretendohet se ka kryer marrëdhënie seksuale pa dëshirën e saj.
Lajmi bëhet i ditur nga prestigjiozja gjermane “Der Spiegel”. Revista në fjalë i referohet raportit të cituar nga “Football Leaks”, hetimi ndërkombëtar që publikon shpesh aferat tronditëse në botën e futbollit. “Der Spiegel” raporton se ngjarja ka ndodhur më 13 qershor 2009 në një hotel luksoz në Las Vegas, ku Cristiano Ronaldo ka kryer marrëdhënie seksuale me një femër pa dëshirën e saj.
Untitled
Por, sipas revistës gjermane, skandali thellohet edhe më tej, pasi sulmuesi i Real Madrid ka paguar 375 mijë dollarë për të mbyllur çështjen në fjalë, shumë financiare kjo që ka shkuar në favor të viktimës si kompensim ndaj saj.
“Der Spiegel” shkruan se zotëron edhe emrin të viktimës, por ende nuk e ka bërë atë publike. Avokati i Cristiano Ronaldo-s, Johannes Kreile ka deklaruar se këto janë thashetheme që ngrihen shpesh për të dëmtuar imazhin e klientit të tij.
Tashmë mbetet për t’u mësuar se çfarë prapaskenash fshihen pas këtij lajmi…
