FOKUS/
Topkëmba shqiptare e mbylli me tundjen e rrjetave për vitin kalendarin 2016, në
gjysmën tjetër të sezonit çfarë do të presim?
Nga Agron KAJA
Futbolli shqiptar,
sikundër kudo në Botën e futbollit sot, ditë më parë e mbylli gjysmën e parë të
sezonit 2016-2017 në të gjitha kategoritë e tij. Në mbi 150 ditë kalendarike
janë luajtur dy fazat e para të Superiores, që ndryshe quhet edhe futbolli
elitar shqiptar, dhe duke u fokusuar tek kjo kategori javë pas jave e ndeshje
pas ndeshjes, le të sjellim në kujtesë se çfarë u “prodhua” në to. Le të themi
së pari se, starti i Kategorisë Superiore 2016-2017 erdhi me një lajm të keq për
skuadrën kampione Skënderbeu, e cila akuzohej nga UEFA për trukime ndeshjesh.
Madje që në ndeshjen e dytë të Ligës së Kampioneve, Skënderbeu u përjashtua
duke u zëvendësuar me Partizanin nënkampion. Një situatë kjo, e cila e pështjelloi
sado pak kampionen, duke i ulur disa “spaleta” që në sezonet e kaluara i kishte
të rënda. Në yllin e gjashtë rresht, dhe të shtatin në histori (me fjalën “yll”
nënkuptohen kampionatet e fituara), korçarët e vunë në dyshim një pjesë të këtyre
sukseseve, sikundër thuhej nga UEFA me trukime, çka bëri që futbolli shqiptar
ta ruajë këtë vazhdimësi të keqe në trukimin e ndeshjeve. Partizani luajti në
dy turet e tjera të Ligës së Kampioneve, dhe realisht u përfaqësua me dinjitet,
por shpërblimi që jepet në kësi rastesh nga UEFA ju dha Skënderbeut. Kjo ishte çudia
e parë që e nisi Superiorja këtë sezon, ndërkohë që në javët e para të saj,
disa trajnerë u larguan nga bankinat, si për të thënë se presidentët e Klubeve
janë ata që pëlqejnë ose jo rezultatet e tyre. Nuk është pak numri, që në mesin
e garës ndryshohen trajnerët në gjashtë nga dhjetë skuadra, çka është quajtur
nga specialist si një nga handikapet që nuk e ka ndihmuar progresin në këtë
kategori. Dhe bashkë me trukimet, apo dyshimet për trukime, të dy këta tregues
e bënë edhe më intrigante garën, sepse përpos tyre ndeshjet vazhduan me ritmin
e kalendarit. E këtu le të ndalemi tek një tregues tjetër që nuk ishte efiçent
në sensin pozitiv, shënimi i golave. Nëse i shohim nga java në javë, nuk mund të
mos thuhet së pari se në javën e katërt në pesë ndeshje u shënua vetëm një gol,
java në skandal në shënimin e golave. Mungojnë sulmuesit tipikë, apo mungon diçka
tjetër, këto kanë qenë ato justifikimet që nuk e kanë mbuluar këtë tregues,
ndoshta më negativi në këto dy fazat e para të Kategorisë Superiore 2016-2017.
Dhe si për ironi, dy golashënuesit më të mirë në këto 18 javë janë futbollistë
të huaj, Pejiç i Kukësit me 11 gola dhe Ekuban i Partizanit me 9 gola. Hamdi
Salihi, golashënuesi i sezonit të kaluar, ndoshta ka kaluar në pit stop, me 6
golat që ka shënuar. Ndërkohë, në këto 18 javë, nuk mund të mos kujtohen tifozët,
kryesisht ata të skuadrave kryesuese, të cilët në disa ndeshje e kanë ngatërruar
keq vendin ku luhet futbolli me |gladiatorët” e shekujve të shkuar. Dëmet
materiale që ata kanë shkaktuar të paktën në katër ndeshje, mund të ishin të ardhura
në shërbim të futbollit, kryesisht tek moshat që për financat mbeten “peng” i
“arratisjes” nga Shqipëria. Dhe, ai momenti i ndërprerjes së dritave në “Selman Stërmasi” në ndeshjen
Tirana-Partizani, ndoshta ishte kulmi i mangësive që e shoqëruan këtë Superiore
në 18 javët e para, në gjysmën e parë të sezonit 2016-2017. Nëse themi
futboll me dhe pa drite, kjo të sjell në kujtesë gjithçka që është pështjellë në
gjysmën e parë, ndërsa ajo që vret më shumë është se: çfarë do të presim në
gjysmën tjetër? Ndoshta merkatua e dimrit do të kthjellojë mendjet e
drejtuesve, të trajnerëve, futbollistëve e tifozëve, që këtë futboll ta
orientojnë nga progresi i objektivave, jo nga regresi.
KATEGORIA SUPERIORE 2016-2017
RENDITJA
Skuadrat Nd Pikë
1.Kukësi 18 36
2.Partizani 18 35
3.Skënderbe 18 32
4.Tirana 18 27
5.Luftëtari 18 22
6.Vllaznia 18 21
7.Flamurtari 18 17
8.Teuta 18 16
9.Laçi 18 14
10.Korabi 18 11
Shënim: Flamurtari -6
pikë
RENDITJA
Skuadrat Nd F B H G+ G- Pikë
1.Kukësi 18 9 9 0 23 8 36
2.Partizani 18 9 8 1 19 5 35
3.Skënderbe 18 9 5 4 16 9 32
4.Tirana 18 6 9 3 16 10 27
5.Luftëtari 18 5 7 6 16 23 22
6.Vllaznia 18 4 9 5 13 14 21
7.Flamurtari 18 6 5 7 20 20 17
8.Teuta 18 4 4 10 13 20 16
9.Laçi 18 3 5 10 8 20 14
10.Korabi 18 2 5 11 8 23 11
Shënim: Flamurtari -6
pikë
Golashënuesit më të mirë:
11 gola: Pejiç (4p) (Kukësi)
9 gola:
Ekuban (Partizani)
7 gola:
Taku (Tirana)
6 gola:
Salihi (1p) (Skënderbeu), Rexhinaldo (Luftëtari)
5 gola:
Shkodra (Flamurtari), Shtubina (Vllaznia), Emini (Kukësi)…
Tregues në dy faza
Janë luajtur 90
ndeshje
Janë shënuar 142 gola
Faza e parë
Në 45 ndeshje
U shënuan 67 gola
Java më e mirë
Java e 7-të me 14
gola
Java më e dobët
Java e 4-ët me 1 gol
Faza e dytë
Në 45 ndeshje
U shënuan 75 gola
Java më e mirë
Java e 10-të me 13
gola
Java më e dobët
Java e 12-të me 5
gola
Tregues në ndeshje
Rezultati më i thellë
Java e dytë
Flamurtari-Luftëtari 5-0
Rezultatet më të dobëta
22 barazime 0-0
Shënuar më shumë gola
Kukësi 23gola
Shënuar më pak gola
Laçi, Korabi 8 gola
Pësuar më shumë gola
Luftëtari, Korabi 23
gola
Pësuar më pak gola
Partizani 5 gola
Ndeshja me probleme
elektrike
Tirana-Partizani, java e 13-të
Trajnerët e
Superiores
Sezoni 2016 – 2017
SKËNDERBEU/ A.
Agostineli
PARTIZANI/ A.
Sormani, S. Starova
KUKËSI/ A. Gjoka
TIRANA/ I. Daja, M.
Josa
VLLAZNIA/ A. Cungu
FLAMURTARI/ G.
Magani, G. Mezani
LAÇI/ M. Troisi, R.
Ndreu
LUFTËTARI/ M.
Milinkoviç
KORABI/ A. Mergjyshi,
G. Haxhiu
TEUTA/ Ç. Bexhi, G.
Magani