Federata e Futbollit shpërblen Kombëtaren për fitoren në Oslo. Pas 50 ditësh, nordikët në Tiranë
Komiteti Ekzekutiv i FSHF-së e shpërbleu ekipin Kombëtar me në shumë prej 120 mijë eurosh, për fitoren historike 1-0 me Norvegjinë, në Oslo Triumfi 1-0 i 22 marsit u vendos nga me eurogolin e Hamdi Salihit, do t’i mbushë xhepat e kuqezinjve protagonistë të asaj mbrëmjeje perfekte, që e çoi jo vetëm në vendin e dytë në grup Shqipërinë – me dy pikë më pak se Zvicra- por, edhe ndezi ëndrrat kuqezi për një vend në finalet e Botërorit të Brazilit. Ky stimul financiar mendohet se, do t’i karikojë ata për të vijuar me këtë ritëm, në pesë ndeshjet e mbetura, ku vetëm dy prej tyre do të luhen në vendin tonë (Norvegji dhe Zvicër), pasi tri të tjera do të luhen në transfertë (Islandë, Slloveni, Qipro). Kështu, Federata synon që gati 50 ditë para ndeshjes me Norvegjinë, tepër kyçe për ecurinë e ekipit të Xhani De Biazit, të shpërblejë lojtarët me një shumë të konsiderueshme. Stafi drejtues i kombëtares e ka shpërblimin e vet të parashikuar sipas kontratës së lidhur përpara fillimit të edicionit, pra është jashtë kësaj shume. Komiteti Ekzekutiv mori edhe disa vendime të tjera. Kështu, u bë zëvendësimi i legjendës vlonjate, Alfred Zijai, të ndarë nga jeta disa javë më parë, nga një sëmundje e pashërueshme. Në vend të ish-lojtarit të Flamurtarit dhe Kombëtares, Komiteti Ekzekutiv i FSHF-së, nën drejtimin e presidentit mori vendim që pasuesi të jetë kandidati i parë më i votuar në listën e zgjedhjeve në Asamblenë Zgjedhore të vitit 2010, Lulëzim Minxhozi. Duke u nisur nga intensiteti i ndeshjeve dhe koha e shtrimit të tapetit të mëparshëm në stadiumet e Fierit dhe të Durrësit, Komiteti Ekzekutiv vendosi që ato të zëvendësohen me tapete të rinj me bar natyral. Një “dhuratë” e tillë me rastin e rikthimit në Superiore, FSHF-ja ka menduar t’ia bëjë edhe Partizanit. Legjendës së kuqe do t’i jepet tapeti me bar artificial për një fushë stërvitore. Për zhvillimin e mëtejshëm të futbollit të femrave u formua një komision i posaçëm, i cili do të ketë si kryetar anëtarin e KE-së, Abdyl Kuriu, dhe anëtarë Kejdi Tomorrim, Endi Hykën, Genc Ymerajn dhe Lazër Matian.
Eliminatoret “Brazil 2014”
GRUPI E
RENDITJA
Ekipi N P
1. Zvicra 5 11
2. Shqipëria 5 9
3. Islanda 5 9
4. Norvegjia 5 7
5. Qipro 5 4
6. Sllovenia 5 3
NDESHJET E SHQIPËRISË
Shqipëri-Norvegji 07.06
Slloveni-Shqipëri 06.09
Islandë-Shqipëri 10.09
Shqipëri-Zvicër 11.10
Qipro-Shqipëri 15.10
Ceremoni lamtumire për Lalën dhe Skelën
Dy nga emrat më të mëdhenj të Kombëtares shqiptare, ish-kapiteni Altin Lala dhe fantazisti Ervin Skela, do t’i japin lamtumirën fanellës kuqezi, me një ceremoni të denjë për kontributin e pamohueshëm dhe të jashtëzakonshëm që ata kanë dhënë. Pikërisht, më 7 qershori 2013, përpara fillimit të ndeshjes kualifikuese Shqipëri-Norvegji, një nga ndeshjet më të rëndësishme të Kombëtares sonë, ku do të varen edhe shanset e saj drejt finaleve të Kampionatit Botëror “Brazil 2014”, dhe më një stadium të tejmbushur, Lala (37 vjeç) dhe Skela (36 vjeç) do të nderohen edhe me nga një pllakat mirënjohje nga ana e Federatës Shqiptare dhe komuniteti i futbollit.
Altin Lala
Mesfushori, tashmë 37 vjeç, ka zhvilluar 79 ndeshje me Kombëtaren duke shënuar 3 gola
Ervin Skela
Fantazisti, tashmë 36 vjeç, ka luajtur 75 ndeshje me Kuqezinjtë, duke shënuar 13 gola
Dede: “Mos e paragjykoni Tiranën!”
Kategoria Superiore zbret të shtunën në stadiumin “Qemal Stafa” dy nga skuadrat më të titulluara në Shqipëri, Tiranën dhe Vllazninë që si për ironi vijnë në këtë sfidë pa stimuj dhe me objektiva pothuajse të dështuara. Kryeqytetasit me 35 pikë po aq sa edhe shkodranët, nuk gëzojnë një formë të mirë, e diktuar kjo edhe nga shumë faktorë të tjerë jashtë fushës së lojës. Duke u përqendruar në këtë pikë, tekniku i bardhebluve, Nevil Dede kritikon mediat e shkruara, duke theksuar se po tenton të turbullojë ambientin bardheblu. I pyetur për foton e famshme të Dushkut dhe Ahmatajt gjatë një dreke me drejtuesit më të lartë të Vllaznisë, presidentin Çela dhe trajnerin Bushati, Dede preferoi t’i evitonte polemikat. Kreu i stolit të Tiranës, e cilësoi përballjen me Vllazninë si një ndeshje vitrine për futbollin shqiptar, duke premtuar suksesin e skuadrës së tij.
Përsa i përket të ardhmes, tekniku kryeqytetas nuk dha një përgjigje të qartë, duke theksuar se e ardhmja e tij është thjesht takimi i radhës. Kapiteni i Tiranës, shkodrani Gilman Lika, tha se për të ndeshja ndaj Vllaznisë ka një aromë të veçantë. Lidhur me zërat që e adresojnë sulmuesin drejt Shkodrës, ai la një dritare të hapur. Tirana dhe Vllaznia do të përballjen të shtunën në stadiumin “Qemal Stafa” në orën 17:00.
KATEGORIA SUPERIORE
JAVA 23
Sot, 20.04.2013
Shkumbini-Bylis 14:00
Tomori-Laçi 14:00
Tirana-Vllaznia 17:00
Nesër, 21.04.2013
Teuta-Apolonia 14:00
Kastrioti-Luftëtari 14:00
Flamurtari-Skënderbeu 17:00
Besa-Kukësi 17:00
RENDITJA
1 Skënderbeu 52
2 Kukësi 40
3 Flamurtari 39
4 Teuta 39
5 Vllaznia 35
6 Tirana 35
7 Laçi 34
8 Kastrioti 31
9 Bylis 29
10 Besa 27
11 Shkumbini 20
12 Luftëtari 18
13 Tomori 12
14 Apolonia 10
KATEGORIA E PARË
Java 27
Sot, 20.04.2013
Kamza-Besëlidhja 16:00
Naftëtari-Partizani 16:00
Himara-Lushnja 16:00
Gramshi-Ada 16:00
Mamurrasi-Butrinti 16:00
Pogradeci-Elbasani 16:00
Iliria-Tërbuni 16:00
Nesër, 21.04.2013
Dinamo-Burreli 16:00
RENDITJA
1 Lushnja 62
2 Partizani 51
3 Pogradeci 42
4 Mamurrasi 39
5 Tërbuni 37
6 Dinamo 33
7 Himara 33
8 Iliria 33
9 Ada 33
10 Burreli 33
11 Butrinti 33
12 Besëlidhja 31
13 Elbasani 31
14 Kamza 31
15 Gramshi 30
16 Naftëtari 20
Ndryshojnë formatet e kampionateve, rikthehen skemat e shtatë viteve më parë
12 ekipe në 2013-2014 dhe 10 në 2014-2015
Skema e kampionatit kombëtar Ekzekutivi i FSHF-së ka marrë vendim edhe për skemën e kampionatit kombëtar të Kategorisë Superiore për edicionin 2013-2014. Kampionati elitar në vendin tonë do të përbëhet nga 12 skuadra dhe do të zhvillohet me 3 faza, ndërsa në edicionin 2014-2015 do të përbëhet me 10 skuadra (numri i fazave nuk ndryshon). Për kampionatin kombëtar të Kategorisë së Parë, edicioni 2013-2014, do të aplikohet skema me 16 skuadra dhe dy faza, ndërsa më tej, edicioni 2014-2015 do të përbëhet nga 2 grupe me nga 10 skuadra. Sërish me dy faza. Njëzet kampionatet e fundit kanë parë të paktën pesë struktura të ndryshe, duke nisur jo vetëm numri i ekipeve pjesëmarrëse: 10, 12, 14, 16 apo 18, por dhe me 2, 3 apo 4 faza. Po kështu, edhe numri i skuadrave që binin direkt është i ndryshëm, 1, 2, 3 apo dhe 4. Numri minimal i ndeshjeve është 26, ndërsa ai maksimal është 36 (kampionat dhjetë ekipe dhe me katër faza). Shtatë sezonet e fundit nga ai 2006-2007 e deri te ky aktual, 2012-2013, janë zhvilluar me 12 skuadra, ndërkohë kanë pasur tre forma apo skema të brendshme të zhvillimit të tyre: me tre faza dhe dy faza. Edhe versioni i kampionatit me tre faza ka pasur dy skema të zhvillimit të pjesë së tretë të sezonit, në varësi të renditjes: kështu, në sezonet 2006-2007 dhe 2007-2008, gjashtë ekipet që renditeshin në pjesën e sipërme të tabelës kishin më shumë ndeshje në shtëpi, ndërkohë që ato që renditeshin në “gjashtëshe e dytë” kishin një ndeshje më pak, e shprehur në raportin 6-5. Në sezonet 2008-2009, 2009-2010 dhe 2010-2011 skema e fazës së tretë ishte e paracaktuar në sistemin e vendeve që zinin në përfundim të fazës së dytë skuadrat. Pra, vendi i parë (1) çiftohej me vendi e fundit (12), e kështu me radhë: 2-11, 3-10, 4-9, 5-8, 6-7, duke pasur në javën e fundit si sfida për titull (1-2), ashtu dhe për mbijetesë (11-12).
Sezoni E N F B
2012-2013 14 26 2 4
2011-2012 14 26 2 2
2010-2011 12 33 3 2
2009-2010 12 33 3 2
2008-2009 12 33 3 2
2007-2008 12 33 3 2
2006-2007 12 33 3 2
2005-2006 10 36 4 2
2004-2005 10 36 4 2
2003-2004 10 36 4 2
2002-2003 14 26 2 2
2001-2002 14 26 2 2
2000-2001 14 26 2 2
1999-2000 14 26 2 2
1998-1999 16 30 2 3
1997-1998 18 34 2 3
1996-1997 14 26 2 2
1995-1996 18 34 2 2
1994-1995 16 30 2 1
1993-1994 14 26 2 2
Legjenda: E (ekipe), N (ndeshje), F (faza) dhe B (bien direkt)
KUPA E SHQIPËRISË
Laçi-Bylis, finalja më 17 maj
Finalja e edicionit të 61-të të Kupës së Shqipërisë, ku përballë njëri-tjetrit do të jenë Bylis dhe Laci, do të zhvillohet më 17 majin 2013 në stadiumi kombëtar “Qemal Stafa”. Koha e zhvillimit të finales së Kupës së Shqipërisë është fiksuar ora 20:00. Fituesi i trofeut do të hyjë në “Librin e Artë” të kompeticionit, si skuadra e dhjetë që fiton një Kupë të Shqipërisë, duke u bashkuar kështu me Tiranën (15 trofe), Partizanin (15), Dinamon (13), Vllazninë (6), Flamurtarin (3), Teutën (3), Elbasanin (2), Apoloninë (1) dhe Besën (1). Fituesit i Kupës do të marrë pjesë në Ligën e Europës, teksa do të përfitojë 5 milionë lekë nga FSHF-ja dhe 90 mijë euro nga UEFA për pjesëmarrjen në Ligën e Europës.
Serbi Popoviç, presion Memelit për “Këpucën e Artë”
Edhe pse Flamurtari dhe presidenti Shpëtim Gjika investuan shuma ta konsiderueshme, për të fituar titullin e dytë në historinë e klubit, pas atij të koleksionuar në sezonin 1990-1991, vlonjatët dolën shumë shpejt nga gara për titullin kampion, ndërkohë që dështuan edhe në Kupën e Shqipërisë. Gjithsesi, në Vlorë janë të bindur se, “Këpuca e Artë” u përket atyre, një trofe që me shifrat e deritanishme pritet ta fitojë sulmuesi Migen Memelli, golashënuesi më i mirë aktual i kampionatit me 18 gola të realizuar në 22 javë, gjashtë më shumë se serbi i Kukësit, Lazar Popoviç, 12 gola. Për Memellin ky do të ishte trofeu i dytë individual pas atij të fituar me Tiranën, në sezonin 2008-2009, të shoqëruar edhe me titullin kampion me bardheblutë, ndërsa për Flamurtarin do të ishte hera e pestë që një lojtar i tyre do të fitonte “Këpucën e Artë”, pas Vasil Rucit (dy herë), Viktor Paços dhe Daniel Xhafajt. Duke parë pesë shënuesit më të mirë të sezonit, vërejmë dy statistika shumë interesante: dy nga pesë lojtarët më produktivë janë të Flamurtarit, Memelli (18 gola) dhe Muzaka (11), ndërkohë që janë tre lojtarë të huaj: serbi Popoviç i Kukësit (12), kroati Pejiç i Skënderbeut (11) dhe nigeriani Izuçuku i Bylisit (10).
