Puna për hapjen e kantierit ku do të zbatohet projekti për zgjerimin e Unazës së Madhe në segmentin nga Pallati me Shigjeta deri te Dogana ka vijuar edhe paraditen e sotme. Kështu deklaron Bashkia e Tiranës, e cila thotë se janë prishur disa ndërtesa të tjera pa leje në gjurmën e Unazës së Madhe në zonën e Astirit, duke i hapur rrugë ndërtimit të rrugës.
“Si në rastet e tjera, Inspektorati i Mbrojtjes së Territorit i Bashkisë Tiranë gjeti bashkëpunimin e plotë të ndërtuesve të këtyre objekteve pa leje, të cilët kanë bërë në mënyrë vullnetare zhvendosjen e materialeve dhe orendive për të mundësuar më pas prishjen e ndërtimeve.
Objektet e prishura shërbenin kryesisht për qëllime biznesi. Njëra prej tyre, siç shihet edhe nga pamjet, ishte dy katëshe dhe me një sipërfaqe rreth 700 metra katror”, njofton Bashkia.
