Aktorja Zamira Kita ka rrëfyer punën e bërë prapa skenave dhe marrëdhënien me kolegët për të sjellë për publikun e gjerë një produkt cilësor. E ftuar së fundmi në emisionin “Ftesë në Pesë”, Kita ka pranuar se është shumë më e lehtë të punosh me femrat, pasi meshkujt sipas saj gjithnjë pretendojnë se janë më të aftë dhe se mund të bëjnë më shumë se to.
“Ne na ka qëlluar të punojmë edhe me meshkuj dhe kam shkuar në shtëpi duke qarë. Se kam pasur raste të tilla…epo mërzitesh”, është shprehur aktorja.
Kita po shfaqet së fundmi në teatrot e Tiranës dhe të Korçës me komedinë me nota muzikali “8 femrat”. Sipas saj, arma e fortë e kësaj komedie qëndron te kasti që përfshin emrat e aktoreve më të mira të skenës shqiptare, por edhe tek marrëdhënia e mirë dhe bashkëpunimi korrekt mes tyre.
