Këngëtari Stefi Prifti duket se nuk e ka pritur aspak surprizën që i kanë bërë miqtë e tij për ditëlindje.
Këngëtari rrëfen emocionet e surprizës që kolegët dhe miqtë e tij kishin përgatitur për të. Ai tregoi se nuk e kishte në plan të festonte ditëlindjen dhe se kishte ardhur në Tiranë, pasi vajza e tij i kishte thënë se është sëmurë.
“Unë nuk dija gjë fare, hyra në lokal me shapka dhe me një qese me kocka për qenin. Endri u tregua aktor i madh. Unë isha në një dilemë të jashtëzakonshme, nuk doja ta festoja ditëlindjen, thjeshtë mund të dilja në një darkë me familjen, por atë natë aty kanë qenë rreth 60 veta, miqtë tanë të ngushtë. Mbrëmja ishte surprizë e jashtëzakonshme. Unë nuk pres asgjë më shumë se sa respekti që më kanë bërë atë natë miqtë e mi. Vajzat e mija e morën atë iniciativë. Unë nuk doja të vija atë ditë në Tiranë, por ime bijë më tha se e ka kapur hernia, dhimbja e mesit dhe unë nuk mund të rrija pa ardhur. Vitet e fundit unë kam mësuar të jetoj të tashmen, nuk mendoj fare. I jap shumë rëndësi dhe prioritet momentit. Të nesërmen nuk e njohim, ndonjëherë në jetë ndodhin gjëra që nuk i ke menduar kurrë, kështu që jetoj momentin”, rrëfeu Stefi.
