Vesa Luma i është rikthyer pasionit për radion dhe gazetarinë. Nga dita e nesërme, këngëtarja do të jetë live në ‘Glam Radio’ për 1 orë, nga 12:00-13:00. Vesa do të jetë në transmetim çdo fundjavë në të njëjtin orar dhe është shumë e lumtur për rikthimin.
Videot që ajo ka publikuar në profilin personal në ‘Instagram’ tregojnë edhe njëherë tjetër si po përjeton ajo rikthimin në gazetari duke ju përkushtuar sërish pasionit të vjetër.
Me muzikë të mirë dhe gjithçka tjetër, direkt nga Prishtina, çdo adhurues i saj do të ketë fatin ta dëgjojë sërish këngëtaren në transmetim ‘live’.
