Olta Gixhari gjithmonë ka spikatur si një aktore mjaft e talentuar. Megjithatë kohët e fundit ajo është shkëputur për pak nga aktrimi, për t’ju përkushtuar punës së saj si biznesmene e një agjencie imobilare. Për të treguar se si ka ndryshuar jeta e saj dhe planet për të ardhmen, Olta ishte e ftuar në emisionin ‘Pop Culture’.

Ajo tha se është bërë pjesë e botës së biznesit, sepse në Shqipëri nuk mund të jetohet vetëm me aktrim dhe nuk mund ta shihte veten gjithë jetën si aktore. Gjithashtu ajo ka thënë se puna e re i ka ndryshuar jetën, sepse është një sfidë e madhe dhe ndryshe nga më parë që ishte një shpirt i lirë tani i duhet të ndjekë një axhendë. Më tej ajo ka shprehur sërish dëshirën për t’u larguar nga Shqipëria dhe të nisë një jetë të re në Amerikë. “Mendoj të jetojë në Amerikë. Duhet të shkojë në një vend për të punuar për të realizuar diçka, por jo në ‘Hollywood’. Nuk e kam pasur kurrë ëndërr të bëhem pjesë e ‘Hollywood’, sepse jam modeste, me këmbë në tokë”, – tha Olta.

Ndërsa përsa i përket aktrimit ajo ka thënë se këto muaj do të shkëputet, sepse në shtator do të xhirojë një film dhe do të nisë një projekt në ‘Teatrin Kombëtar’ si aktore.