Kivanç Tatlitug është një ndër aktorët më të suksesshëm turq. Karriera e tij i ka kaluar kufijtë dhe tanimë ai është kthyer në imazhin e shumë markave të njohura të veshjeve. Duke qenë se është shumë i angazhuar, stresin nuk po e përballon siç duhet dhe këtë periudhë ai ndihet shumë i ngarkuar. Përgjatë një interviste të dhënë së fundmi, aktori ka treguar se vuan nga pagjumësia. Ai tregoi se shkak për këtë është bërë roli i ri, të cilin është duke e xhiruar dhe situata është përkeqësuar aq shumë sa shpesh i duket sikur e thërret doktori për të kontrolluar veten.

Më pas Kivanç shtoi se përpiqet të qëndrojë sa më larg rrjeteve sociale në këto momente, prandaj edhe nuk është shumë aktiv me fotot.